熊小館

營業中

休息中

有時想行吓傢俬舖都會揀去MegaBox行，因為好多唔同嘅選擇。今日就去咗MegaBox位於溜冰場樓上嘅呢一間啤啤熊主題Cafe。店內超多啤啤熊擺設，而且仲可以望住樓下溜冰場嘅人溜冰。餐廳晚膳嘅時候有好多唔同嘅套餐，每個套餐都包餐湯同餐包，一個主菜，同埋嘢飲。除咗平時嘅飲品之外，佢哋仲有好多特色飲品，感覺好養生。今日就叫咗一個鐵板美國極上無骨豬扒，我哋揀咗黑椒汁，味道正正常常，但係就過足口癮。另外叫咗個紅酒燴牛肉伴闊條麵，份量方面相當之多。特飲方面，試咗佢哋嘅熱情果玫瑰茶，果茶味道唔算好甜，仲可以揀甜度。而甜品方面，就叫咗一個法式燉蛋白，上碟似足某名牌燉蛋，味道都相當唔錯，不過對於我嚟講就略嫌甜咗少少，但對於鍾意食甜品嘅朋友，應該感覺唔錯。