影片
更多
2022-10-10
356 瀏覽
<<跑馬地隱世咖啡店>>朋友一直bookmark咗呢間餐廳，適逢慶祝生日就決定陪佢一試！餐廳係港島區有幾間分店，跑馬地分店特別在於「啡酒合一」，日頭係cafe，夜晚就會搖身一變做有bartender嘅酒吧。餐廳位於寧靜小巷嘅角落，門面係以綠色為主嘅復古風格。夜晚嚟到店入面有柔和嘅燈光，配合外國抒情音樂，非常有情調，好適合同朋友談心。相信白天再訪嘅話亦別有一番風味。.🟥Parmesan Truffle Fries $63🟧一大盤剛剛炸好嘅幼身薯條灑上一絲絲嘅芝士，非常香口，再配埋truffle sauce，送酒一流！.🟨HV Meatballs $88🟩自家製嘅肉丸，用上豬肉同牛肉，一份有三大粒，外層煎得香脆，咬入口有肉汁唔會乾爭爭。再沾上蕃茄醬，好惹味！.🟦Duck Ragu $128🟪意大利水管粉有咬口，每一條都均匀沾上香草蕃茄醬汁，仲有啖啖嘅油封鴨絲，香口唔油膩~.⬛️Truffle Mushroom Gnocchi $128⬜️呢款pasta唔係間間意大利餐廳都有，所以係menu見到就二話不說order咗。粒粒薯仔麵團係煙煙韌韌嘅口感，再配上大大片嘅蘑
朋友一直bookmark咗呢間餐廳，適逢慶祝生日就決定陪佢一試！餐廳係港島區有幾間分店，跑馬地分店特別在於「啡酒合一」，日頭係cafe，夜晚就會搖身一變做有bartender嘅酒吧。
餐廳位於寧靜小巷嘅角落，門面係以綠色為主嘅復古風格。夜晚嚟到店入面有柔和嘅燈光，配合外國抒情音樂，非常有情調，好適合同朋友談心。相信白天再訪嘅話亦別有一番風味。
.
🟥Parmesan Truffle Fries $63🟧
一大盤剛剛炸好嘅幼身薯條灑上一絲絲嘅芝士，非常香口，再配埋truffle sauce，送酒一流！
.
🟨HV Meatballs $88🟩
自家製嘅肉丸，用上豬肉同牛肉，一份有三大粒，外層煎得香脆，咬入口有肉汁唔會乾爭爭。再沾上蕃茄醬，好惹味！
.
🟦Duck Ragu $128🟪
意大利水管粉有咬口，每一條都均匀沾上香草蕃茄醬汁，仲有啖啖嘅油封鴨絲，香口唔油膩~
.
⬛️Truffle Mushroom Gnocchi $128⬜️
呢款pasta唔係間間意大利餐廳都有，所以係menu見到就二話不說order咗。粒粒薯仔麵團係煙煙韌韌嘅口感，再配上大大片嘅蘑菇同芝士粉，香氣十足，第一次食嘅我覺得好有驚喜！
.
🟫Mimosa / Sours $78🟫
美食當然少不了美酒。我同朋友係cocktail menu入面揀咗Mimosa同Sours，分別係橙汁配氣泡酒同威士忌配檸檬汁，好清新！
.
🧭Coffeelin (昌明街) (跑馬地)
地址: 跑馬地昌明街8號地舖
8 瀏覽
0 讚好
0 留言
張貼
