另外都見到唔少特色即制手工點心，點心推介如下:
龍蝦湯鮮竹卷: 龍蝦湯食得出唔係現成，有香濃的龍蝦味兼帶清甜。由於用左龍蝦湯，鮮竹卷加左薑提鮮，呢個位值得一讚。
蟹肉西施餃：賣相幾精緻，除左蟹肉外，仲有蝦肉同加左唐芹，所以味道唔會太單調。
蟹子百花蒸魚肚: 魚肚好大舊厚切，浸埋上湯入晒味。另外蝦膠夠彈牙，配埋蟹子增加口感。
原籠古法馬拉糕: 平時都係食開方形，原籠的馬拉糕相對少有，味道方面亦有特色，平時係黃糖的味道，呢度反而有一種咖啡的焦糖香味，食落有Fusion感覺。
雪菜火鴨絲炆米粉: 本身以為$38蚊應該好細碟，一上枱之後就認錯了，估唔到咁大碟足料，炆得都唔錯，米粉唔會太敵過淋，維持有咬口，真心抵食。
