啟德主場館開左咁耐，講真我都未去過。趁今個星期放假，就特登去果度行下打個卡📸。行行下個肚打鼓，就近近地搵左呢間「大池小館」飲個茶醫肚，順便歇一歇腳🍵。
.
銀蘿脆皮紅米腸 ($45)
上枱見到條腸粉皮係紅色已經好吸睛❤️，中間包住蝦肉同埋蘿蔔絲。食落去口感好豐富，外軟內脆，加上表面淋上既千島醬，味道酸酸甜甜好夾，吾會覺得膩😋。
.
桃膠奶燉椰皇 ($55) 🥥
女仔最愛既滋潤野一定要叫！熱辣辣上枱好香椰子味，奶味香濃滑溜，桃膠份量都幾足，飲完覺得皮膚都靚d，成個人暖笠笠✨。
.
櫻花蝦煎蘿蔔糕 ($35)
飲茶吾少得蘿蔔糕，表面煎到金金黃黃，每一啖都食到櫻花蝦既咸香，蘿蔔本身夠甜，吾洗點醬都好夠味🥕。
.
大池鮮蝦餃 ($45)
係小館既招牌黎架🦐。佢個賣相好特別，吾同平時見開果d蝦餃。皮好薄晶瑩剔透，咬開入邊有好多蝦肉，啖啖肉好爽口，果然係招牌野👍。
.
水晶潮州粉果 ($25)
粉果皮煙煙韌韌，透明到見到入面既餡，花生、韮菜配合得岩岩好，傳統得黎又有水準🥟。
.
啤梨鹹水角 ($35) 🍐
師傅整到真係好似一隻啤梨咁，打卡一流！外皮炸得酥脆，入面軟糯，鹹甜適中，可愛到吾捨得食😂。
.
章魚冬菇雞粒煲仔飯 ($45)
呢個真係有驚喜！估吾到$45都咁足料，雞肉同冬菇份量不少🐓🍄。啖啖都有章魚既鹹香，飯粒分明，真係好出色，必叫之選🍚🔥！
