6
餐廳地方寬闊，時尚簡約風格設計，環境舒適，異國風情度假feel嘅感覺，可以令人盡情放鬆一下！
和牛柳粒炒飯 $188
呢碟和牛柳炒飯，即叫即炒熱辣辣，炒飯香濃，口味都好地道，看上已經令人好開胃。一上枱熱辣辣，鑊氣十足，米飯細細粒好香口，和牛柳肉質嫩滑帶鮮甜，肉味香濃，配上新鮮蔬菜，香濃可口，份外惹味。
明太子忌廉烏冬 $148
另一款係明太子忌廉烏冬，散發陣陣香濃忌廉味，以及鹹鹹香香嘅明太子，配合翠綠蔬菜，醬汁濃郁與烏冬拌勻好夾，烏冬口感煙靭有咬口，烏冬好掛汁，越食越好味。
油甘魚柚子脆米 (+$12)
油脂豐富又肥美嘅油甘魚，加咗柚子汁及牛油果，脆米食起來鬆化，柚子味清新，充滿日式風情嘅小食。
黃金蓮藕片
蓮藕炸至金黃，片片香脆，加咗少少鹽微鹹，越食越惹味。
舒芙蕾芝士蛋糕 $62
兩款蛋糕擺盤很精美，打卡之餘，味道仲特別好味。呢款係Souffle Cheese Cake，面層有新鮮嘅士多啤梨同藍莓，蛋糕質地帶少少濕潤感，食落入口即溶，芝士味濃郁且鹹香，口感幼滑，令每一口都充滿甘香滋味。
栗子蛋糕 $62
另一件栗子蛋糕，面層嘅栗子味夠出，藍莓加士多啤梨，香甜美味，蛋糕口感好creamy，食多件都唔會覺得膩。
伯爵茶 $36
伯爵茶甘味香醇，茶味濃郁，解渴解膩。
凍檸檬茶 $36
冰涼可口，檸檬清香，口感清新。
