御來光茶社 (已結業)

新落成唔係好耐嘅樓盤-啟岸，位於土瓜灣，經過見到有間台式飲品店，仲有精美嘅蛋糕，一於入去打下卡食下嘢先 ~門面已經好吸引，出面天花滿滿都係日式燈籠，好靚呀！店內牆壁掛上富士山標誌，日系裝修，帶日本風情既感覺！餐牌裡有多款系列既手搖茶選擇 : 黑糖系列、滋潤系列、珍奶系列、果味系列、御之特調、芝士奶蓋系列、多多系列、芋紫系列、純茶系列、咖啡系列， 可自選冰度、糖度及額外加Toppings。檸檬撻    $46外層焗到鬆脆可口，鋪上杏仁同糖霜，配合檸檬餡料，一啖食落去好清新，酸酸甜甜，好開胃，呢件確係特式又滋味嘅甜品。奧利奧芝士蛋糕    $46Oreo迷千祈唔好錯過，呢款上下層都鋪滿奧利奧，層次大大提升，但不失芝士嘅味道，濃郁且鹹香，質地帶少少濕潤感，食落唔會乾身，非常美味！楊枝甘露    $42手搖茶店可以飮到楊枝甘露，實在太方便啦。依杯啖啖都充滿果肉，散發芒果香甜、清新西柚同爽口嘅西米，甜度又啱啱好，必選推介！宇治抹茶紅豆    $36呢杯經典嘅日式飲品，抹茶非常濃郁甘香，揀少甜啱啱好，微甜軟稔嘅紅豆中和返抹茶嘅回甘，口感清香滑順，抹茶控們必定滿意。