孖啡 (已結業)

又到定期脫毛嘅日子，今次近近地搵咗間小有名氣嘅樓上Cafe坐下，餓得滯一埋枱就即刻嗌兩個主食醫一醫肚先！.➜明太子海蝦意粉每啖意粉都掛滿咗明太子同忌廉汁，超creamy勁滿足，仲有爽口彈牙嘅海蝦，整體配搭口感好豐富。.➜軟殼蟹黑松露意粉大大隻嘅軟殼蟹已經佔咗半隻碟，而且炸得好香脆，唔會太油膩，帶鹹香嘅軟殼蟹都同香濃嘅黑松露好夾，加上意粉份量都好足，性價比高。.➜玫瑰咖啡 & 薄荷朱古力除咗有唔同嘅咖啡，仲有好多塔羅系列嘅飲品，如果放假係度玩下Board Game又有唔同款嘅飲品慢慢歎都真係幾他調。.