影片
更多
2017-06-28
326 瀏覽
星期二嘅下午，想搵間附近有咪錶位，有wifi嘅cafe坐低飲杯咖啡做吓野，搵到呢間新開嘅cafe。泊低車之後行過嚟，幾分鐘都唔洗，超方便，不過weekend嚟我諗都要有排等咪錶了。呢度有分室外及室內座位，外面放咗啲舊式風扇及水壺，灰色嘅泥水牆，感覺好raw好正，如果冬天的話，唔怕食塵都可以坐外面嘅，但今日天文台話會34度，梗係坐室內涼冷氣啦入到嚟坐喺手寫menu隔離，有all day breakfast、沙律、小食、意粉、burger及wgg benedict，仲有多種咖啡及茶等。睇嚟都不錯，不過我淨係要一杯mocha就夠Mocha ($40)個花拉得不錯，呃like都幾好。飲落咖啡味唔算好濃，反而朱古力味好重，啱晒啲鍾意朱古力味多過咖啡味嘅朋友，即係我。不過我都覺得咖啡味可以濃返啲，雖然而家當佢係一杯熱朱古力飲都唔錯嘅。飲到最尾先發覺原來有好多朱古力醬喺底！如果一開始已經撈埋嚟飲，咁咪更加似熱朱古力？！呢間cafe有幾樣野值得一讚，第一店員服務態度好好；第二裝修不錯，坐得幾舒服；第三亦都係最重要嘅，就係佢哋播嘅歌真係好好聽！本身我係塞住耳仔聽緊歌，但佢哋嘅歌實在太吸引，忍唔住要拎開耳
入到嚟坐喺手寫menu隔離，有all day breakfast、沙律、小食、意粉、burger及wgg benedict，仲有多種咖啡及茶等。睇嚟都不錯，不過我淨係要一杯mocha就夠
Mocha ($40)
個花拉得不錯，呃like都幾好。飲落咖啡味唔算好濃，反而朱古力味好重，啱晒啲鍾意朱古力味多過咖啡味嘅朋友，即係我。不過我都覺得咖啡味可以濃返啲，雖然而家當佢係一杯熱朱古力飲都唔錯嘅。飲到最尾先發覺原來有好多朱古力醬喺底！如果一開始已經撈埋嚟飲，咁咪更加似熱朱古力？！
Mocha
$40
34 瀏覽
0 讚好
0 留言
Mocha
$40
22 瀏覽
0 讚好
0 留言
呢間cafe有幾樣野值得一讚，第一店員服務態度好好；第二裝修不錯，坐得幾舒服；第三亦都係最重要嘅，就係佢哋播嘅歌真係好好聽！本身我係塞住耳仔聽緊歌，但佢哋嘅歌實在太吸引，忍唔住要拎開耳塞聽佢哋嘅歌，據我記得嘅有以下
王浩信 - 拖字闕、陪著你走
田馥甄 - 小幸運
鄭伊健 - 發現 (完全係出賣年紀嘅歌！！！！)
Dear Jane - 不許你注定一人
鄭秀文 - 高山低谷
側田 - 命硬
胡鴻鈞 - 化蝶
余文樂 - 司機
陳奕迅 - 富士山下
80後入到嚟，應該會忍唔住同店員一齊唱㗎囉
張貼
