唯一麵家

營業中

休息中

唯一麵家, 伴我成長的一個名字。細細個, 就經常幫襯。荃灣, 真係唔知點解咁多粉麵店。講到最好的幾間, 除左唯一雲南米線、山西刀削麵, 唯一麵家都一定係其中。星期六, 去三聯書店睇書前, 先醫下個肚。叫左碗十幾年來始終如一的「牛水粗」牛腩依舊美味, 水餃皮香饀多, 粗上海麵又彈牙又香!雪菜(定係鹹菜?)加埋滾水般的清湯, 唔太鹹又夾脆, 真係一啖一滿足!我試過葵涌廣場間唯一, 水飲饀相若, 但皮出哂事! 硬而無彈力! 好彩, 荃灣依然令我安心! 一個月, 總有一日會來。