Plato Cafe & Bistro (吳松街)

Tue 5 Mar 2024 濕濕笠笠撤咗辣 交量升，去鋸扒先。價未上，唯有去啲貼地啲嘅扒房頂住先。$498 for 2，掹住衫尾都算係尖沙咀。睇你點睇，成五舊水哎 or 都唔使五嚿 就有 4 course dinner。市道好似冇咁差，6:30去到坐定定，唔使15分鐘已經full house，有啲枱仲可以做2轉。有心去嘅最好都係Book枱先。黑松露芝士薯條 …… 是日例湯係忌廉蘑菇湯 ……北海道帶子松露扁意粉。大只雖然唔係大大隻嗰啲，但係都幾鮮甜。份量就適合比女士啱啱好。US Angus Rib-eye。餐牌就冇寫份量，食完我「覺得」都有 ～5oz，叫咗medium，大廚火候控制得幾好。加埋啲配菜，男士都好夠食。2份cheese cake細細地，啱啱好味道唔錯。佢哋嘅coffee & tea 好有水準，閒時過嚟叫杯咖啡打躉做功課都得。整體嚟講係好滿意，可以encore。