金記冰室 (創紀之城五期(apm)) (已結業)

放假來觀塘Apm行街，apm果然係星期一至日都咁多，行到又攰又肚餓，就入在呢間冰室食個飯。餐廳唔算好大，但勝在坐得舒服，而且都幾乾淨。坐低之後點左幾個套餐，一份主食丙加一杯嘢飲，感覺比單叫的性價比高。鮮菌泡飯好鮮甜，入面有好多款菌類，有雞脾菇、鮮冬菇仲有啲鴻喜菇，仲有木耳做配料，難怪啖湯無肉無海鮮都可以咁鮮甜。咖哩海鮮炒飯都好出聲，好多料，有蝦、有墨魚等等，而且炒得剛剛好，唔會太乾太濕，粒粒均勻。朋友見到椒鹽豆腐，突然好想食就叫埋啦，估唔到舊豆腐都幾大舊，內脆內嫩，加埋上面啲調味料真係惹味。