珠江酒家

營業中

休息中

晚上大概7點15分左右到達，行左陣先見到，因為舖個門口比較細同唔明顯，好易就會行過。入到去坐下層，剛剛好有位，我諗遲啲我就可能冇位，下層有5張枱，上層就唔知，冇上過去。店員都幾有禮貌。由於限聚令既關係，3個人都可能坐張大枱。先黎點左個蠔爽。朋友都話唔錯。唔太乾又唔太濕，啱啱好，正之後就叫左個黃金墨魚咀，豉油皇鵝腸，同椒絲腐乳通菜。黃金墨魚咀啲炸粉唔夠黏，一夾起就同墨魚咁分開，唔係想像中咁樣，不過味道都係可以既。豉油皇鵝腸就普普通通，不過不失啦，個色好似唔夠深色。椒絲腐乳通菜好夠鑊氣，好正，好快就食晒。大家都見唔係太飽就叫左個XO醬蝴蝶腩，呢個真係同想像中差好遠，食唔到有XO醬既味道，食到有啲辣同有啲醋味，有啲似口水雞個種味既感覺，有啲怪怪地，唔知係咪比錯左我地。我地都仲有叫左幾枝啤酒飲，不過唔見有冰桶同唔夠凍，如果有冰桶就好了。仲有好多野都想試，不過已經食唔落喇，唯有下次再黎試過啦。