鳥海山鐵板燒 (已搬遷) 新店位置

最近同朋友去咗呢間叫位於長沙灣昌華街嘅鐵板燒餐廳－鳥海山。我哋兩個人食咗佢哋嘅「鳥海山鐵板餐」，好滿足。沙律鍾意佢攞出來好夠凍，夏日炎炎食完即刻開返個胃。是日精選刺身店員叫我哋照住順序食，啲刺身十分新鮮，肉質柔軟，口感極佳。活龍蝦肉質鮮甜，烤得啱啱好邊邊有少少金黃，配埋個醬更加突顯龍蝦嘅鮮味同香味。活鮑魚食得出係好新鮮嘅鮑魚，烤完都仲好多汁，食落好彈牙唔靭。鵝肝多士多士烤得好黃好香，鵝肝香滑多汁。牛肉薄燒牛肉煎得啱啱好，外脆內軟，加埋入面包住蔥，十分之香。野菜有啲鐵板燒嘅香味，但又保留到菜嘅清甜。炒飯啲飯炒到粒粒分明，加上各種蔬菜同埋肉類，係個好豐富嘅炒飯。味噌湯係餐後先上，飲完啱啱好可以中和返鐵板餐個油膩感。