Tapa Room (已搬遷) 新店位置

Tapa Room, 一間hk local新開嘅西班牙餐廳。 今日一於試下。 廚師推介咗以下幾樣嘢: 薄切慢煮八爪魚，味道非常鮮美軟嫩，用上香草、橄欖油和自家製蕃茄醬汁，感覺清新，大多數外邊八爪魚都比較韌，今次非常唔同，唔錯既小食。棒棒鵝肝，鵝肝經白酒蒸煮，味道濃香，口感幼滑醇厚， 配合合開心果碎，食完八爪魚食依一碟小食，係非常唔錯嘅選擇。西班牙薯仔旦餅，這旦餅的中心是薯仔粒，加上紅椒粉和美奶滋， 但味道冇之前嗰兩款小食特別。蕃茄脆包、醃白銀魚、蒜茸旦黃醬。蕃茄茸，生蒜配上白銀魚的鹹鮮，整體味道層次十分豐富，加上脆包啱啱發揮到中和嘅作用。 不過有啲人可能嫌白魚會腥， 我個人認為唔錯。巴塞隆拿式烤紅蝦，紅蝦一客有五隻，帶一點parsley 嘅味道，幾嘢味。西班牙海鮮鍋飯，這paella乾濕度剛好，飯粒分明， 配料有青口、蜆和蝦，加檸檬汁和蒜蓉旦黃醬，幾好味。 menu話一人份量，都幾夠食。呢間新開嘅西班牙店，裝修氣氛唔錯。有霓虹燈的店名和裝飾， 吧檯式嘅坐位，幾啱年輕人落腳，感覺年輕唔焗促。食物水準唔錯，值得捧場。