泰象館

營業中

休息中

今日去九龍城，順道去食晚飯，好耐冇食泰菜，揀左泰象館食個泰國菜先😍🍍原個菠蘿海鮮炒飯有菠蘿炒飯或原個菠蘿炒飯選擇，因為想食多啲菠蘿就選了原個那一款，炒飯炒得乾身唔油膩，配料都幾豐富，有腰果，肉鬆，魷魚，蝦，青口，臘腸，味道口感層次豐富，食完個飯再剷埋啲菠蘿肉食，酸甜清新又去膩 🍡串燒三拼（豬牛雞）三款都燒得好食，仲保持至肉汁，牛一啲都唔韌，豬唔會嚡口都軟腍，雞肉燒得剛好，沾少少沙嗲汁，唔會好辣，又有棋香味，味道升級😋🐷豬頸肉炒通菜炒得好惹味😍，調味唔會過鹹，通菜爽口鮮嫩，豬頸肉肉質帶爽，整體都唔錯食泰國菜，當然要叫冰凍飲品啦。🥥椰青清甜冰凍又解膩，勁正！☕️泰式黑咖啡冇苦澀味，味道帶甜，可以一試。