一素食譜

營業中

休息中

觀塘東廣場有唔少食肆，大部份都幫襯過，今次決定試間未食過嘅素食店。一坐低，見唔少人叫車仔麵，我驚唔夠飽，於是叫咗素咕嚕菇菇飯。咕嚕肉由麵根製成，口感真係有啲似肉，至於味道呢，由於個咕嚕汁實在太酸啦，主導咗味蕾，所以到底似唔似肉其實都冇咩所謂啦🤣。其他配料有菠蘿，青椒，生菜，車厘茄，薯仔等，都算豐富。飯底主要係白米加入少量紅米，感覺都健康少少。份量我覺得係適中嘅，不過男士應該會唔夠飽。跟餐嘅好似係赤小豆湯，味道較清淡，一貫素食店健康行先嘅做法。