影片
更多
2023-09-09
1071 瀏覽
名店嘉多娜，出名嘅麵包布丁，佢由下午4點鐘開始賣布丁，之前行經數次，由於都是中午時份，所以未見有得賣，今次適逢其會，自然入去買啲嚟試，間舖頭細細，樓面只得百呎面積，粗略估計卻塞了超過廿人，擠擁程度可見一班，相比之前中午時份的冷清，根本是判若雲泥。入到去店內，根本分唔到邊啲人係揀麵包，邊啲人係排隊買布丁，龍尾起邊根本分唔到，以為係隊尾，結果畀人話我無排隊，最後幾經辛苦，終於搞清邊條係隊尾，啲布丁有三隻味，分別是紅豆抹茶麻糬、朱古力及鮮奶原味三種，一個個擺起工房門口，收銀附近，完全無標示價錢，亦無標示味道，唔理啦！有心嚟到，買咗先算，唔好食嘅話，至多無下次。結果我買咗兩個紅豆，兩個原味，另加8片麥包（$18），一共$94，即係4個布丁要$94 - $18 = $76，即每個要$19。幾經折騰，終於買完返到屋企，結果一打開，紅豆抹茶布丁變咗形，見相。當晚無胃口食飯，於是拎剛買返嚟嘅布丁當晚餐。先食原味，啲餡雖然係滑，但過甜，而更大問題係麵包係韌口，完全唔好食，莫講話比紅豆烘焙嘅同款布丁差（紅豆烘焙買$15一個），連$13一個嘅大班都比佢好食。紅豆烘焙嘅布丁，麵包係脆口，非常好食，大班嘅麵包布
入到去店內，根本分唔到邊啲人係揀麵包，邊啲人係排隊買布丁，龍尾起邊根本分唔到，以為係隊尾，結果畀人話我無排隊，最後幾經辛苦，終於搞清邊條係隊尾，啲布丁有三隻味，分別是紅豆抹茶麻糬、朱古力及鮮奶原味三種，一個個擺起工房門口，收銀附近，完全無標示價錢，亦無標示味道，唔理啦！有心嚟到，買咗先算，唔好食嘅話，至多無下次。
結果我買咗兩個紅豆，兩個原味，另加8片麥包（$18），一共$94，即係4個布丁要$94 - $18 = $76，即每個要$19。
幾經折騰，終於買完返到屋企，結果一打開，紅豆抹茶布丁變咗形，見相。當晚無胃口食飯，於是拎剛買返嚟嘅布丁當晚餐。
先食原味，啲餡雖然係滑，但過甜，而更大問題係麵包係韌口，完全唔好食，莫講話比紅豆烘焙嘅同款布丁差（紅豆烘焙買$15一個），連$13一個嘅大班都比佢好食。
紅豆烘焙嘅布丁，麵包係脆口，非常好食，大班嘅麵包
布丁雖然都係凍嘅，但至少唔會韌口。
一個布丁對於我嚟講當然係唔飽，接住食埋第二個，買嘅時候，我見到綠色，我唔知係抹茶，以為係開心果果醬，直至咬落第一啖，先至知係抹茶，而啲抹茶係帶苦味，完全唔係我杯茶。
我仲會唔會試埋隻朱古力味？我諗我唔會咁蠢，再一次貼錢買難受，虐待我個口同個胃囉！
33 瀏覽
1 讚好
0 留言
張貼
