BEP Vietnamese Kitchen 越灶 (已結業)

去k11唔想四圍去，求其上網揾呢間，見有人排隊，應該有心信嘅。 香煎墨魚餅，夠彈牙，唔算油，推薦食嘅。。沙津個幾隻蝦都幾夠大隻，柚子大大粒，新鮮，唔會hea，加埋腰果同食，爽脆甜，呢個直頭必食。咖哩雜菜比想像大碟，本來叫左蒜蓉包送，個咖哩好杰身，但太飽，齋食菜啦唯有。呢個豬扒撈濛真係不錯，豬扒鬆化唔油，個醬唔太酸唔太辣，仲要豬扒份量十分足，食極仲有咁。芒果沙冰唔知朋友飲，不過望就覺得好smooth，足料。支裝檸汁好飲，同出面一般餐廳差不多，初時唸係呢個場會唔會連支飲品都貴少少，又無喎。菜無乜好講，但以尖沙咀大場，份量足。3人食，係食唔晒，有打包，尤其蒜蓉包，唔算好脆，又唔太夠蒜味，不過如餸咖哩應該啱啱好，齋食就可以多少少蒜味嘅。整體算值，因為好食，唔會話無第二得黎，仲會唸唔知食乜可以再黎個種，係唯一要等陣位 咁好食，咪值得等。