華嫂冰室 (棉登徑) (已搬遷) 新店位置

作為蕃茄控嘅我，之前都去過幾次屏山嘅華嫂排成個鐘，今日經過尖沙咀，決定再食。呢間華嫂出奇地無咩人，餐牌同屏山嗰個差不多，不過價錢就貴啲，如果普通湯底配煎豬扒/雞翼/新鮮牛肉就$41，要雙拼加$12-18。如果要蕃茄湯底/芫荽湯底/冬薩公湯底就要加$8，轉出前一丁/烏冬就加$3。如果配飲品可以用加配價，好似平過屏山嗰間。我叫左個香煎豬扒蕃茄湯底米線，食落同屏山嘅華嫂一樣，夠薑味，蕃茄湯底夠濃郁，豬扒有啲梳打粉味，呢個要扣啲分，加左$7配熱檸檬利賓納。