影片
更多
2022-08-07
2194 瀏覽
《The Lounge & Bar - 尖沙咀》好耐好耐都冇食過八婆下午茶啦😂記得以前返工成日要外出工作，變相偷到好多時間出嚟去食好嘢😬但係轉咗工之後時間穩定咗，變咗平日好少機會可以食Tea，今次難得閒日有假放，所以可以提早約定朋友試吓想食好耐嘅afternoon tea set😬由於Ritz Carlton 有兩個tearoom可以食下午茶，而兩邊既款式都唔一樣，book既時候要睇清楚係邊一間，預約嘅過程都好簡單，我喺返官網揀返想去嘅餐廳嘅預約登記，約咗下午3:00兩個大人加一個小朋友，過程都好方便😁當日要先去到酒店大堂樓層再用扶手電梯落返一層先到大堂酒廊，嘟完安心出行之後酒店同事好快就幫我哋安排窗邊座位🤩值得一讚嘅係酒店職員由頭到尾嘅服務態度都超級超級好😘坐低咗之後當然係例牌打卡影吓相先啦😝我哋order左Gusto d'Italia Afternoon Tea Set $748/2人，一共有四個鹹點、五個甜點同埋每人兩款scones 加clotted cream and jam等我逐樣介紹吓先💁🏻♀️寇帕火腿配瑞可塔芝士及油漬蕃茄意大利香草麵包呢一款三文治因為有Parma Ham
好耐好耐都冇食過八婆下午茶啦😂記得以前返工成日要外出工作，變相偷到好多時間出嚟去食好嘢😬但係轉咗工之後時間穩定咗，變咗平日好少機會可以食Tea，今次難得閒日有假放，所以可以提早約定朋友試吓想食好耐嘅afternoon tea set😬由於Ritz Carlton 有兩個tearoom可以食下午茶，而兩邊既款式都唔一樣，book既時候要睇清楚係邊一間，預約嘅過程都好簡單，我喺返官網揀返想去嘅餐廳嘅預約登記，約咗下午3:00兩個大人加一個小朋友，過程都好方便😁當日要先去到酒店大堂樓層再用扶手電梯落返一層先到大堂酒廊，嘟完安心出行之後酒店同事好快就幫我哋安排窗邊座位🤩值得一讚嘅係酒店職員由頭到尾嘅服務態度都超級超級好😘坐低咗之後當然係例牌打卡影吓相先啦😝
我哋order左Gusto d'Italia Afternoon Tea Set $748/2人，一共有四個鹹點、五個甜點同埋每人兩款scones 加clotted cream and jam
等我逐樣介紹吓先💁🏻♀️寇帕火腿配瑞可塔芝士及油漬蕃茄意大利香草麵包
呢一款三文治因為有Parma Ham鹹鹹地，同蕃茄醬既酸味原來都幾夾，作為開胃菜都幾好
💁🏻♀️檸檬蝦及銀魚柳辣椒迷你漢堡
迷你漢堡上面嘅我稱之為沙律😂質感其實有啲似吞拿魚沙律，不過食得出魚子既甘甜味
💁🏻♀️香辣蕃茄餡餅（素）
呢一款咸點我覺得可以話係用黎清清味蕾既，我幾欣賞個批底好酥香
💁🏻♀️意大利芝士炸飯團
入面應該係有芝士的，因為一食就有拉絲啦，呢個亦都係四款入面我最鍾意嘅咸點
💁🏻♀️開心果意式奶凍
甜點時間，其實我一睇到Menu上面有開心果嘅甜品已經好開心😃而呢一個開心果奶凍好香開心果同埋士多啤梨味🥰原來士多啤梨同開心果可以咁夾嘅🥲如果可以encore就好啦
💁🏻♀️檸檬瑞可塔蛋糕
一款好傳統嘅檸檬蛋糕🍰識落都算清新，不過質感比較厚實，我個人對於呢一個蛋糕感覺一般
💁🏻♀️鮮果芭芭
好味，呢個甜品充滿住柚子同檸檬嘅清新，但係上面嘅忌廉剛剛好中和到嗰種甜膩
💁🏻♀️意大利芝士蛋糕
由於我個人對Tiramisu興趣不大，所以對於呢一件冇太多評價，好彩唔算好甜😚
💁🏻♀️紅桑子奶油甜卷
我發覺呢間餐廳有忌廉既甜品都幾好食呢🤓我以為紅桑子會偏酸，我估應該係忌廉幫忙調和左個酸味🥰呢一款甜點我都幾喜歡
💁🏻♀️原味鬆餅及葡萄乾鬆餅配草莓果醬及奶油忌廉
壓軸要講嘅一定係佢哋嘅英式鬆餅🥞一款原味，一款加左提子🍇個質地唔係濕潤嗰種感覺，反而係偏向酥脆，好快就比我食曬兩個😝記住，clotted cream 同士多啤梨果jam都一定要塗滿整個鬆餅先好食㗎
總括而言，呢間餐廳嘅afternoon tea set所有鹹甜點都係好食嘅😬雖然有一兩款對佢既味道真係冇乜印象，但係我記得所有點心我都係滿意嘅😬
張貼
