太平館餐廳

營業中

休息中

係中環返工的, 都知道難搵食, 因圍迫滿人, 唔好食都要排隊..太平館是一好例子, 難食, 貴, 仲要等好耐..唯一可取的是地方環境比較預適中午和同事逛了幾條街, 都是人頭湧湧, 行過太平館, 見無咩人, 入去登個記, 原來入面已有幾枱人等緊, 但唔想再行, 出面好熱, 見有冷氣地方等, 等下啦...點知都等左廿分鐘...坐底, 睇下個餐牌, 午餐最低消費都要$65, 是焗豬扒飯, 牛脷飯都要$72.... 比得上堅道的鬼佬餐廳, 餐牌上的都要百多銀, 都算貴, 但地方ok..算啦..同事叫了砵酒焗豬扒飯, 自己食齋, 叫了咖哩雜菜飯..咖喱.. 冇咩咖喱味, 得個辣字... 不過雜菜ok, 有薯仔, 鮮冬菇, 西蘭花, 粟米仔, 甘筍...同事個砵酒焗豬扒, 上枱時黑麻麻, 幾舊不同size 和形狀的甘筍, 切工都咁差... 同事話味道古古怪怪, 甜甜地鹹鹹地, 個炒飯底, 白side-side...佢最後的結論是: 唔好食!餐湯羅宋湯, 本來味道ok, 算多料, 但落左粉煮, 杰達撻, 劃蛇添足... 漿糊咁...唯一可取是個餐飽熱辣辣...餐飲凍檸茶, 唔甜(冇叫走甜) 兼冇茶味