東寶小館

營業中

休息中

未搬之前同一班同事一齊嚟過，嗰陣都ok算好食，亦冇限時間。換左新舖第一次嚟，除左限時之外，d音樂嘈吵到以為自己落咗disco，同坐係隔離嘅人傾偈都好似鬧交咁，d歌仲係懷舊金曲！店員想做多轉生意，見你食完嘢都唔走，就將d音樂愈較愈大聲，等你連傾計都傾唔到，實行轟走你。食物質素已不如前，鑊氣都有嘅，只係價錢貴左，碟頭細左，不過仲有店員為你表演筷子開啤酒樽。眼見國內人或者遊客居多，唔似想做本地人生意，服務態度都唔多好，所以唔會推薦。