東寶小館

營業中

休息中

東寶小館已經開業數十年，原來在渣華道街市樓上，每天晚上度座無虛席，疫情期間搬來新地址繼續營業。我已經差不多有十多年沒有光顧東寶了，但我一個好朋友最近來新店用餐後，覺得出品依舊出色。因為新店地方比以前大很多，加上老闆露比和員工搞氣氛的增值服務，歡樂指數比以前有過之而無不及。昨晚我們一共兩桌20多人，自帶紅酒和店內的藍妹啤酒都是催化劑，讓大家很快就進入高潮。 餐廳出品有幾個特色菜，本網頁其它食評都有介紹，我就不再多講。但要值得一提的是，豉油雞和咖喱水魚煲就必須俾個Like，因為大家異口同聲說「冇得頂」。東寶新店出品價格不要再用以前街市樓上舖的思維來衡量，私人樓店租都要算錢的。

好嘈以前大排檔露天，所以大家大吵大鬧冇問題Lee到真係嘈到不得了啲人仲大吵大鬧portion 好少，價錢好貴最慘係難食，冇誠意風沙雞冇味魚湯芥蘭又腥又少芥蘭真係好難食

Way overpriced❗️❗️價錢偏貴，懶有香港大排檔特色, 把音樂開到最大聲，用玻璃戰鬥碗裝啤酒務求營造與別不同、別樹一格氣氛，實質餸菜普通，完全唔值這價錢，連瑤柱扒豆苗咁簡單普通的餸菜都話係時價，侍應及經理態度囂張冇禮貌，今時今日仲係咁樣的唔休冇客的服務態度，唔怪之得香港餐飲業淪陷，不要再怪責香港人點解北上唔喺香港食飯消費。下午打電話去訂枱8:00pm晚飯，接電話果位人兄又講到只有8:30pm 先有枱，我們8:10pm 去到見到跟本大把吉枱。

生平第一次想食評，如果可以俾負評，真心覺得1分都唔值。一心諗住嚟呢度食風沙雞，點知落完單D餸嚟晒後半個鐘頭之後先知風沙雞賣晒。之前訂位嘅時候又話唔需要預留，落單後如果唔再追問都冇話賣晒，根本是欺騙顧客。椒鹽排骨又剩係得啲肥肉。薑汁芥蘭，又細碟又剩係得D莖，一啲都唔好食，一定唔會再嚟幫襯。啲位又迫，音樂又開到太嘈，扮晒大排檔，傾偈要好大聲先聽到。唔怪得知星期日八點幾都大把位。地方高級過以前，兩個餸，兩碗飯加支啤酒，巳經要四百蚊。價錢貴咗咁多，但係冇晒以前嘅風味和質素，已經而唔係以前北角街市嘅東寶，完全失望。

有一排冇嚟啦，突然之間想食佢嘅XO醬黃喉，好少地方有黃喉（豬的喉嚨）食。香港好多食店都話人人北上冇生意，但偏偏每次嚟到東寶都高朋滿座，一半係中國人，一半係外國人，現場氣氛熱鬧到根本都聽唔到佢播嘅音樂🤫☺️坐低第一時間就叫XO醬炒黃喉、炸蝦丸墨魚丸同啤酒，用雪凍咗嘅戰鬥碗嚟飲啤酒別有一番風味🤪老細Ruby話今日醉乳鴿👍佢冇講錯，乳鴿有陣陣的酒香，不太濃，恰到好處。大大粒嘅炸蝦丸墨魚丸，香脆可口。大大碟的XO醬炒黃喉用料豐富-有黃喉、菜甫、香脆腰果、薄薄的蓮藕片、新鮮馬蹄粒、爽脆嘅翠玉瓜，唯一可惜XO醬吾夠蝦米同埋瑤柱味。二個人飲左五枝啤酒，又食飽，但時間尚早，坐多一陣享受吓現場嘅熱鬧氣氛🥰

They only allow you to stay on your table for 1.5 hrs after that you have no choice but to leave even if they gave your orders 15 mins before your times up. To be honest the staff were really impatient and very rude!!!! They would rush you to pay your bill in a very rude manner. Don't know what the hype is all about. The food isn't even that great! The authentic dai pa dong is a lot better. Please don't go don't waste your money.

日本朋友點名要我地帶佢黎食可想而知東寶魅力有幾大由北角舊鋪開始就有支持基本上成為左我地招呼外地朋友嘅食堂自然搬左黎灣仔反而未去過今次終於又迎來機會新店其實方便左又高級左以前係街市大排檔現在搬左入商業大廈餐廳場內依然熱鬧但總係少左一份地道情懷食物其實我地都係order左D簡單嘢有炸子雞、黃金鮮魷、椒鹽豆腐、生菜煲日本朋友好想食墨汁意粉都order左比佢試下大部份食物都係中規中舉個豆腐反而做得比較麻麻個皮又硬又厚身其他都冇乜特別今次體驗更加令我覺得黎東寶真係食個情懷以前有老闆行出黎同客人互動搞氣氛最記得個筷子開啤酒蓋今晚就見唔到老闆果班聲大大嘅啊姨都冇晒9點幾星期五晚得返六成滿只能講句永遠懷念舊東寶

東寶小館搬咗去灣仔之後覺得冇喺北角街市咁有feel 不過入邊氣氛都係非常高昂 好鍾意呢種老闆員工同食客打成一片嘅感覺 好温馨小菜我哋就嗌咗 椒鹽九肚魚送酒 鵝腸蒸蛋 個雞都好出名 所以我哋都叫咗 仲叫咗個荷葉飯黎東寶小館一定要飲藍妹 要睇老闆表演最出色嘅筷子開啤酒🍻 仲要用雪凍嘅戰鬥碗飲先有feel 食餐飯最開心就係學識咗呢個用筷子開啤酒絕技 食物水準冇我想像中咁高 但係你都係食食個氛圍 非常之高昂 大家都非常之團結 食餐飯會感覺到比大家包圍着嘅感覺

未搬之前同一班同事一齊嚟過，嗰陣都ok算好食，亦冇限時間。換左新舖第一次嚟，除左限時之外，d音樂嘈吵到以為自己落咗disco，同坐係隔離嘅人傾偈都好似鬧交咁，d歌仲係懷舊金曲！店員想做多轉生意，見你食完嘢都唔走，就將d音樂愈較愈大聲，等你連傾計都傾唔到，實行轟走你。食物質素已不如前，鑊氣都有嘅，只係價錢貴左，碟頭細左，不過仲有店員為你表演筷子開啤酒樽。眼見國內人或者遊客居多，唔似想做本地人生意，服務態度都唔多好，所以唔會推薦。

夜晚6點幾打去話訂枱即刻被惡劣嘅語氣拒絕 話要每日1點半至5點半打去 隔日2點打去再訂過 接電話嘅男人啲態度勁差 到我要確認時間話 係呀 係咁 8點半交返枱 未去食已經咁 唔好以為自己係咩咁巴閉 呢啲態度睇下你幾時執

好耐之前已經聽過佢地嘅大名，喺網上成日見到老闆同客交流同開啤酒，之前北角間舖結業真係好可惜，當我知道佢地喺灣仔重開就即刻約咗朋友一齊，雖然因為揸車嘅關係冇叫到啤酒，但係見到氣氛真係好熱鬧，我地五個人食左6碟餸，最好食係隻風沙雞，皮脆肉嫩，強烈推薦大家去食

東寶小館大家都應該聽過啦，由北角熟食中心搬到去灣仔嘅寫字樓，搬咗咁耐，今日先係第一次嚟到呢度食飯。其實同以前都係冇乜分別，不過呢多咗好多裝修啦，埲牆畫咗好多畫，音響應該係正咗啦，因為真係好鬼嘈，可能樓底低呀，啲聲係走唔到😅今晚成晚都係播英文快歌，因為有兩台英文，老細真係太識搞氣氛！咁我哋都係嚟飲酒坐吓，講返啲嘢食啦，我哋嗌咗兩樣嘢啫，一個就係炸豆腐，另外一個呢就係大肚婆炒飯，兩個餸都好好食，個豆腐外面嘅脆脆地裏面係軟軟哋！個炒飯好好食，賣緊$148，但份量都比足你！佢仲落咗啲米湯，所以呢食落呢脆卜卜！👍

心思思想食大排檔，朋友話呢間東寶小館出名，一於試試佢，由於朋友整傷，所以有拐杖，本來係坐圓凳嘅，店員見到之後，自己二話不說轉左有得挨嘅凳俾佢,非常細心！值得一讚南乳炸豬手，非常香口！！！個人認為最好食係呢個風沙雞滑滑的肉，香香脆脆的皮！！！車路自製香草豆腐就一般般 ，入面綠色嘅沙拉骨 ，正常野！大肚婆炒飯 ，有獲氣👌🏻足料豉油王炒麵 ，炒得靚仔，又好食！服務方面，係有的，我食左個半鐘左右，店員主動幫我換左幾次碟，亦有唔該前唔該後！總結也是感覺不錯的大排檔

得知呢間餐廳響銅鑼灣重開，我嘅一位朋友好期待想再食一次。可惜，這次用餐體驗讓我大失所望，主要原因是餐廳內過於嘈雜的環境。未踏入餐廳，只係響部lift 度咋，啲歌聲已經十分響亮。再踏入餐廳，震耳欲聾的音樂聲便撲面而來。餐廳似乎將音響音量調至最大，整個空間充斥著過度喧鬧嘅老土音樂。播埋啲歌好大陸人口味，又光輝歲月，又講理想，又講自由嘅歌。完全只係自high。啲朋友響隔離講嘢都聽唔到。這種環境下，連食都唔想食。雖然食物的味道尚可，但價錢偏貴，5個餸，埋單$15xx。 加上上餐好耐，我哋8：30落單，要等到9：05先有餸開始上。離開餐廳時，大家已經聲沙，又食唔飽。完全只有感到疲憊和失望。

不知所謂！絕對冇下次！1. 落單叫餸，叫完話點夠食叫我地打孖上 (因為大部分都係女仔，食唔曬咁多) ok fine~ 可能碟頭唔大份驚我地唔夠食咪打孖囉。點知我地想叫啲白飯食，居然唔俾我地叫，要我地叫炒粉麵飯2.  諗住叫野飲個時因為有人唔飲酒/汽水所以諗住開壺茶，點知一句串埋嚟話得一個人飲咩茶，幾十蚊壺一個人飲嚟做乜，飲水啦3. 播埋啲勁老土嘅歌，又要好大聲，嘈到連坐隔離位都聽唔到佢講乜。直到離開落到樓下都仲有耳鳴4. Menu上寫曬多國語言 (繁 英 日韓)，擺明做遊客生意。見到外籍客就笑面迎人，服務周到。對住香港人就黑口黑面，態度惡劣，唔休做本地客生意呢啲咁既餐廳真係唔值得再去幫襯，食完今次唔會再有下次