PizzaExpress (東薈城名店倉) (已搬遷) 新店位置

是日父親節.阿仔話想食pizza.以前去開pizza hut食，要排好耐隊，之後試下呢間嘢.夜晚7點左右，唔使等位.入到去帶左我地去間得幾張台既位.環境幾好，有玻璃大窗（後尾先發現呢間房係唔可以去，因為要遇到一個侍應係非常難.包括點餐及埋單，我地食完d食物既碟都係要放係隔離台.完全冇服務可言）跟著食物質素都ok.但係等好耐好耐.叫左兩個兒童餐及一個二人套餐.兒童餐既甜品同成人餐既頭盤催左3-4次都出唔到，等到8:45分左右.真係頂唔順.細路第日要返學，真係冇辦法.寧願唔要.埋單冇人問你食物到齊未.我地都費事講，行出去經過佢個開放式廚房.見到個兩個兒童餐的甜品（麵包球+朱古力醬）應該係爭我地個兩份甜品.跟著係門口我老婆帶細路去廁所，我係門口企左幾分鐘，個兩份甜品一直冇人動過.直到我走都冇人拿去比d客.想唔明，間嘢唔大間.侍應唔少，點解可以發生呢d問題.最緊要係我埋單，第一個唔理我拿左卷紙就走，第二個叫我等一陣.跟著消失埋，第三個見我語氣唔太好先幫我埋單.呢間嘢唔會再去第二次.東涌係美食荒漠.但係餓死都唔會去第二次.