霸王川莊 (已結業)

四個人下午茶時間 冇攞任何優惠 叫左正價嘅食物 叫咗一個例牌嘅水煮魚 我想講入面啲薯粉勁少基本上係一個人份量都唔知有冇 啲魚一樣咁少我哋平均每人食咗兩三件 對比起旺角嗰間呢間真係非常之差 都已經唔講佢嘅服務態度 全部都係靚妹 靚妹唔緊要但係嗰啲態度真係衰到冇人有 問佢點解啲魚咁少佢就敷衍了事話入去廚房問 個樣黑晒面咁樣但係亦都冇任何答覆翻返嚟 帶咗個水煮魚我哋四個人一個碗都冇 都碗水煮與嚟到上枱都冇攞碗俾我哋 我再問嘅時候就求其拎左一個白色好似酒樓嗰啲碗俾我 而唔係平時我哋去其他分店食開嘅黑色類似石頭碗咁樣 到我哋停晒手傾緊計嘅時候 有兩位職員問都冇問我地食完就收走晒我哋d嘢連茶杯 我冇投訴費事曬口水 因為成班人黑口黑面 非常之失望我希望你哋好好檢討下