綠林甜品

營業中

休息中

講真，呢一個真係令人畢生難忘嘅食甜品嘅經驗呢度嘅職員(包括員工和太子爺)態度惡劣、沒有禮貌就不在話下啦，因為作為甜品店最緊要都係味道。 點知，我飲左杯鮮搾果汁一啖，嗰D令人生厭嘅味道由我喉嚨傳返上我條脷，我推開咗杯嘢，跟住試一啖楊枝甘露，我不禁由心底裏嘩！了一聲，：「乜嘢黎架，淨係得個甜字一啲楊枝甘露味都冇！」 之後我望住我個仔對住佢碗芝麻糊露出嫌棄嘅表情，跟住我試咗一啖，我個心充滿咗疑惑，究竟呢碗芝麻糊同我頭先個碗楊枝甘露有咩分別，佢哋同樣都係得個甜字，唯一嘅分別只係佢哋嘅顏色。 我俾完錢怒氣沖沖，留返淨係食得嗰少少嘅甜品，就走咗去。 呢間鋪頭果然名副其實係一間糖水舖，佢哋出產嘅食物的味道的確係含糖嘅水份。