是但求其食 (已結業)

偶然網上見到朗屏附近新開左間餐廳個名好搞笑於是前排放工專程約埋朋友去試下餐廳位於元朗屏會街幸福樓無論喺朗屏西鐵站定水邊圍輕鐵站行過去都唔算太遠是日餐湯蘑菇餐湯質感綿稠順滑而且菌香濃郁唔錯餐包餐包溫熱鬆軟可以配搭牛油或者橄欖油同黑醋薄荷汁香煎焗盲鰽盲鰽經過煎封魚皮香脆同時肉質保持嫩滑鮮甜而且魚油豐腴配搭自家製薄荷汁可以減輕手油膩感整體嚟講幾清新燴飯加入蝶豆花汁染藍配合餐廳海洋主題加埋本菇口感豐富四川辣雞 Pizza餅底薄脆批邊鬆化配搭四川辣雞食落唔算太辣反而花椒麻香相對突出加埋大量芝士拉絲夠哂惹味香煎羊架配雜菜羊架肉質軟嫩而且羊肉清香配搭蜜糖芥末醬同埋迷迭香唔會帶有強烈嘅羊羶味鴨屎香檸檬茶/鴨屎香奶綠鴨屎香茶柔順清香而且尾韻悠長配搭檸檬或者牛奶各有特式