台食館 (豉油街)

營業中

休息中

今日突然好想飲珍珠奶茶，但疫情期間又唔想隨街除低口罩去飲，經過見到呢間，選擇都幾多，點知結果完全中伏。仙草奶茶🥤奶茶底都叫做ok嘅，但仙草就……食落口竟然覺得好甘，差d以為自己入左涼茶舖🥴，真係未食過呢款味道嘅仙草。黑糖珍珠髒髒乳🥤叫得做乳，應該係好濃厚嘅鮮奶味，但只感覺係一杯多奶嘅奶水；珍珠仲攞命，佢係細珠，但竟然細珠都可以係煮唔透，食落個芯係仲硬硬地嘅，而且太黏，完全食唔到珍珠嘅煙韌口感。葱油餅叫做正常少少，煎得夠香嘅，但唔夠鬆，葱味亦都唔多覺。一間台式餐廳，連最基本嘅珍珠奶茶都做唔好，其他食物真係好食到值好評?! 我真係唔信，一定唔會有下次光顧。