影片
更多
2021-09-04
113 瀏覽
第一次來試這間好評如潮的西餐廳晚餐,點了兩款漢堡（芒果脆魚及芝士安格斯牛）,但大失所望！先講要另外加錢的配菜：龍蝦湯勁濃蝦乾味,又咸又苦澀；沙律算比較正常,但得幾塊菜；吉列炸蠔炸得太燶,旁邊只有一pat沙律醬,賣相毫不吸引；即磨咖啡（我由細飲到大,都唔落糖,只加奶）好難飲（似茶餐廳製作,但這餐廳的收費及裝潢係中高檔西餐廳）最後講埋兩款漢堡：芒果脆魚漢堡好乾身,炸魚乾我理解,就應該加多D芒果醬令漢堡juicy D,我叫侍應俾多D醬,但廚師好吝嗇,唔肯俾多D芒果醬之餘,連經常搭配炸魚的他他醬都無！最後只俾一兜沙律醬就算；安格斯牛本身牛肉質素已經麻麻,仲要未熟,入面係全生！真係食唔落所以請廚房再煎熟D,之後嗰碟終於好D,算食得入口,但對呢間餐廳點解可以咁多人讚好唔明囉！總括而言,唔好俾佢嘅地點同室外日落靚景呃到,佢只係一間普通茶餐廳水準嘅酒吧（可能佢嘅啤酒同小食會好D）！
最後講埋兩款漢堡：芒果脆魚漢堡好乾身,炸魚乾我理解,就應該加多D芒果醬令漢堡juicy D,我叫侍應俾多D醬,但廚師好吝嗇,唔肯俾多D芒果醬之餘,連經常搭配炸魚的他他醬都無！最後只俾一兜沙律醬就算；安格斯牛本身牛肉質素已經麻麻,仲要未熟,入面係全生！真係食唔落所以請廚房再煎熟D,之後嗰碟終於好D,算食得入口,但對呢間餐廳點解可以咁多人讚好唔明囉！
總括而言,唔好俾佢嘅地點同室外日落靚景呃到,佢只係一間普通茶餐廳水準嘅酒吧（可能佢嘅啤酒同小食會好D）！
張貼