53
31
21
等級4
2005-03-21 42 瀏覽
已早兩個星期前訂位飲茶,充滿期待,終於食到啦! 裝修ok,唔算特別靚。又話d waiter好醒好型,我同d同事都完全唔覺。我第一時間點佢出名而又我鐘意食的叉燒同咕嚕肉,叉燒真係好正,蜜汁味好濃,肉質又夠鬆化,燒得又恰都好處。咕嚕肉-又係肉片(近期食襯都係肉片),但炸得好夠脆,不過汁d味道過酸。而傳統d點心,例如蝦餃、燒買、牛肉、腸粉同叉燒飽,就唔係好掂,好似叮叮點心,尤其是蝦餃,屋村個d酒樓可能仲好食過佢。叉燒腸同蝦腸d粉皮好厚。而炸野又ok喎,好似蘿蔔絲酥餅、鳳尾蝦。蛋撻仔-夠鬆化。而小食:海蜇-夠爽,鹵水豆腐-夠入味,豆腐又唔會鞋口、素鵝-雖然皮脆,但係料好少。兩個炒菜、一個上湯莧菜、一個麵豉唐生菜,兩碟都清清o地,估唔到唐生菜煮得幾好食,以為有麵豉味道要好濃好咸。荷葉飯-唔夠荷葉香、飯亦好諗。仲叫了一碗杏仁茶同一個芒果布甸,杏仁茶我冇飲,而個芒果布甸好唔掂,一pat pat好浠,又唔夠芒果味。最後我d同事唔多滿意,完全唔值這個價錢,佢o地仲叫我唔好俾個笑面佢tim。
更多
已早兩個星期前訂位飲茶,充滿期待,終於食到啦!
裝修ok,唔算特別靚。又話d waiter好醒好型,我同d同事都完全唔覺。
我第一時間點佢出名而又我鐘意食的叉燒同咕嚕肉,叉燒真係好正,蜜汁味好濃,肉質又夠鬆化,燒得又恰都好處。咕嚕肉-又係肉片(近期食襯都係肉片),但炸得好夠脆,不過汁d味道過酸。
而傳統d點心,例如蝦餃、燒買、牛肉、腸粉同叉燒飽,就唔係好掂,好似叮叮點心,尤其是蝦餃,屋村個d酒樓可能仲好食過佢。叉燒腸同蝦腸d粉皮好厚。
而炸野又ok喎,好似蘿蔔絲酥餅、鳳尾蝦。蛋撻仔-夠鬆化。
而小食:海蜇-夠爽,鹵水豆腐-夠入味,豆腐又唔會鞋口、素鵝-雖然皮脆,但係料好少。
兩個炒菜、一個上湯莧菜、一個麵豉唐生菜,兩碟都清清o地,估唔到唐生菜煮得幾好食,以為有麵豉味道要好濃好咸。
荷葉飯-唔夠荷葉香、飯亦好諗。
仲叫了一碗杏仁茶同一個芒果布甸,杏仁茶我冇飲,而個芒果布甸好唔掂,一pat pat好浠,又唔夠芒果味。
最後我d同事唔多滿意,完全唔值這個價錢,佢o地仲叫我唔好俾個笑面佢tim。
112 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$150