方叔叔重慶老火鍋 (渣甸中心) (已搬遷) 新店位置

去食過幾次，叫開都係二人套餐，但係最近二人套餐嘅食材少咗款式（以前有蘿蔔），又有幾款轉咗，例如38半份嘅糍粑轉咗28嘅冰粉（而且個人認為冰粉冇得糍粑咁好食），海帶頭轉成海帶苗（少咗份量）。之前午市免湯底優惠可以同學生免加一服務費一齊用，但今次只可以二選一，變相又貴咗几十蚊。其次就係唔抵食，連素菜份量少都好貴，幾條淮山就幾十蚊，由於個人比較鍾意食素菜，九成叫咗素菜，結果都係兩個人食咗近五百。呢一點還好因為以前就係咁樣嘅價錢，但係食物越來越少同埋其他方面優惠減少就變相越嚟越唔抵食，怪唔得感覺上來食嘅人都少咗。