795
17
5
等級4
660
1
2022-12-15 6615 瀏覽
自己大概兩個零月就會食一次牛大人,雖然佢比啱啱開業果陣遜色左少少,但都依然叫好味抵食,所以無特登搵其他台式放題。有次午餐時間經過尖沙咀牛駅,見到門口有一堆等位嘅客人😯,望完個餐牌,$208可以食到SRF牛,另外星期一至五2:00後入座全單88折,加上網上食評話佢個麻辣湯底出色,而且可以媲美牛大人!! 🙉嘩,講到咁,唔係唔試嘛?!提提大家,記得去官網Book枱,避免無位。湯底我加左$48要招牌麻辣拼椰子雞鴛鴦鍋。識食嘅人一定先試個湯,老實講我同朋友都有點小失望😅;之前食過台灣無老鍋嘅麻辣湯,湯底香甜得嚟又唔會過辣,但呢度嘅麻辣湯一陣藥膳味,辣得嚟又唔甜,完全兩回事🤔。至於椰子雞湯椰香好淡,要烚菜、芋絲呢d本身無乜味嘅食材先食得出椰香,椰味最多係四季椰子雞嘅一半濃度。SRF美國極黑肩胛肉眼餐 $208第1 round嘅牛肉真係好靚😃,雖然係肩胛部位,但有牛香之餘肉質亦唔鞋;可惜之後全部都變哂樣…牛味同肉質明顯變差。巴西牛脷托喺無乜肉類嘅選擇情況下,可以試😅。美國豬梅肉片無豬味,而且肉質偏實、偏鞋,可以唔洗試。豬雪花肉片(圖中白色果片)其實係豬頸肉,爽口有豬香。手打蝦滑雖然稱唔上彈牙,但真材
自己大概兩個零月就會食一次牛大人,雖然佢比啱啱開業果陣遜色左少少,但都依然叫好味抵食,所以無特登搵其他台式放題。有次午餐時間經過尖沙咀牛駅,見到門口有一堆等位嘅客人😯,望完個餐牌,$208可以食到SRF牛,另外星期一至五2:00後入座全單88折,加上網上食評話佢個麻辣湯底出色,而且可以媲美牛大人!! 🙉嘩,講到咁,唔係唔試嘛?!

提提大家,記得去官網Book枱,避免無位。
45 瀏覽
0 讚好
0 留言

湯底我加左$48要招牌麻辣拼椰子雞鴛鴦鍋。識食嘅人一定先試個湯,老實講我同朋友都有點小失望😅;之前食過台灣無老鍋嘅麻辣湯,湯底香甜得嚟又唔會過辣,但呢度嘅麻辣湯一陣藥膳味,辣得嚟又唔甜,完全兩回事🤔。至於椰子雞湯椰香好淡,要烚菜、芋絲呢d本身無乜味嘅食材先食得出椰香,椰味最多係四季椰子雞嘅一半濃度。

SRF美國極黑肩胛肉眼餐 $208
第一round SRF牛
53 瀏覽
1 讚好
0 留言

第1 round嘅牛肉真係好靚😃,雖然係肩胛部位,但有牛香之餘肉質亦唔鞋;可惜之後全部都變哂樣…牛味同肉質明顯變差。
之後叫嘅SRF牛
62 瀏覽
0 讚好
0 留言

巴西牛脷托喺無乜肉類嘅選擇情況下,可以試😅。
美國豬梅肉片
46 瀏覽
1 讚好
0 留言

美國豬梅肉片無豬味,而且肉質偏實、偏鞋,可以唔洗試。
36 瀏覽
1 讚好
0 留言

豬雪花肉片(圖中白色果片)其實係豬頸肉,爽口有豬香。
手打蝦滑雖然稱唔上彈牙,但真材實料,有蝦味、亦食到蝦仁;手打墨魚滑都唔錯,內有大大粒墨魚肉增添口感同提味,兩款滑類每款我起碼叫左5條!!!😋

秘製滷牛筋同滷金錢肚(圖中淺啡色兩件)望個樣唔似滷過😐,而且好硬,需要煮一段時間。食落無滷水味,佢個秘製滷水汁真係好耐人尋味😂
23 瀏覽
1 讚好
0 留言

鬆脆響鈴唔脆,建議食炸魚皮好過食響鈴。
炸芋頭好有芋香而且好粉,不過切成薄片,好易煮散。
20 瀏覽
0 讚好
0 留言

20 瀏覽
0 讚好
0 留言

12 瀏覽
0 讚好
0 留言

自助區
炸物小食當日只有正常味道嘅一口台灣腸,同埋淋左嘅鹽酥雞。
冷盤當日有7款,個人覺得比較好嘅係麻辣豬脷,有麻香又唔會好辣,係一款唔錯嘅小食。
火鍋配料仲有雜丸、幾款菜(特別D有水蓮、雨衣甘藍)、薯仔、淮山、豆製品等三十幾款供選擇。
最後仲有小布甸、即唧朱古力軟雪糕、雪葩等甜品

我幾中意呢度個醬料區有平時港式火鍋較為少見嘅醬料,如XO醬、炸蔥頭油同腐乳醬,芫茜同蔥香望個樣都新鮮👍。

食後感:我覺得牛大人依然係我心目中台式火鍋放題嘅首選,雖然比以前遜色左,但無論湯底、牛嘅質素、小食嘅熱度、滑類嘅款式、就連冷泡茶嘅濃度,都比較合我心意。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2022-12-12
用餐途徑
堂食
人均消費
$227 (午餐)
推介美食
第一round SRF牛