影片
更多
2015-02-04
4856 瀏覽
好友們想食齋，於是搵間近近地嘅，順便可以參觀淨院嘅園林美景，安靜心神。4個人叫咗6樣嘢，已經係重味款式，但基本上調味都較單一淡口。芙蓉銀耳羹飲落冇過鹹，質感令我諗起街邊碗仔翅。飲一碗還可以，第二碗已口wher。雜菌菇菜煲有莧菜冬菇銀杏淮山，濕濕地幾討好，啲湯飲落清清地反而唔錯。銀稔醬茄子其實唔應該叫，因為茄子係勁吸油物，結果好寡口，銀稔醬都幫唔到提味。雪菜牛肝菌炆米相對比較濃味，而且我鍾意雪菜同濕濕地嘅嘢。就係呢個餸令我可繼續堅持食埋餐飯。跟住嚟嘅甘香扎蹄扎實有咬口，味道唔錯。最後加咗芝士欖醬白靈菇，食落嚿菇有啲乾，芝味唔夠。可能食齋應為清心，追求複雜有層次似乎背離寡慾意義。但恕我個人道行修為未夠領略唔到，就算係齋我都要fancy plating同working hard嘅調味。平時自己屋企煮，我都搵切粗粒蒜頭蒸啲手指大嘅日本茄子最後落豉油，呢種茄子實淨，加埋蒜粒，雙爽相當爽。再唔係豉油蒸豆腐落好多葱花，葱嘅脆配埋腍滑豆腐仲有豆香葱香。但呢度佛門清淨地唔用蒜頭葱頭，所以就冇咗啲刺激味蕾嘅元素。偶然食下都可以，長期嘅話我應會抑鬱。餐廳啲侍應全部游魂狀態，問嘢答唔到，跟又跟唔好，搞到個人燥
4個人叫咗6樣嘢，已經係重味款式，但基本上調味都較單一淡口。
芙蓉銀耳羹飲落冇過鹹，質感令我諗起街邊碗仔翅。飲一碗還可以，第二碗已口wher。雜菌菇菜煲有莧菜冬菇銀杏淮山，濕濕地幾討好，啲湯飲落清清地反而唔錯。
銀稔醬茄子其實唔應該叫，因為茄子係勁吸油物，結果好寡口，銀稔醬都幫唔到提味。
雪菜牛肝菌炆米相對比較濃味，而且我鍾意雪菜同濕濕地嘅嘢。就係呢個餸令我可繼續堅持食埋餐飯。跟住嚟嘅甘香扎蹄扎實有咬口，味道唔錯。最後加咗芝士欖醬白靈菇，食落嚿菇有啲乾，芝味唔夠。
可能食齋應為清心，追求複雜有層次似乎背離寡慾意義。但恕我個人道行修為未夠領略唔到，就算係齋我都要fancy plating同working hard嘅調味。平時自己屋企煮，我都搵切粗粒蒜頭蒸啲手指大嘅日本茄子最後落豉油，呢種茄子實淨，加埋蒜粒，雙爽相當爽。再唔係豉油蒸豆腐落好多葱花，葱嘅脆配埋腍滑豆腐仲有豆香葱香。但呢度佛門清淨地唔用蒜頭葱頭，所以就冇咗啲刺激味蕾嘅元素。偶然食下都可以，長期嘅話我應會抑鬱。
餐廳啲侍應全部游魂狀態，問嘢答唔到，跟又跟唔好，搞到個人燥燥地。之後响院內參觀恬靜閒緻風光先至回復心境平和。
張貼
