密密燒

營業中

休息中

聽見觀塘有間唔使動手燒既串燒，好奇心之下，半個月前訂好桌，出發！一入店，眼見只有約8張桌，怪唔之日日爆滿，要提前好多訂位。入店感覺冇太濃油煙味，只有濃濃既肉香。呢間餐廳主打任食，同埋機器烤肉，俾一張點餐紙，點好要幾多分量串燒，過一陣就會送過黎，用木架裝住，一個木架可裝10幾串島，唔驚點得太多冇位放，佢有專門放木架既位置。串燒到左，急不及待放串燒落個機島，一次可放15串島，放入個機島，串燒會自動旋轉，令肉質均勻受熱。一串串燒唔太多，2-3淡就食完一串，食完的鐵支可放係旁邊，旁邊有個大鐵筒可裝食完的鐵枝。一開頭食個陣，食得唔暢快，因為要慢慢等肉熟先食得，等左好耐先第一輪肉熟，但醬汁搭夠，佢有秘制醬汁，涂落去肉，食落唔太油膩，仲想食多幾串添。美中不足既係蔬菜類款式唔多，希望下次重臨，會多幾款蔬菜選擇。