明記黑山羊專門店

營業中

休息中

觀塘周圍都係黃店，太多嘢食較遲都唔知食咩好。自己就好鍾意食湯麵，食來食去都係三哥好悶，好在今日嚟到觀塘，可以試吓呢間黑山羊米線，本來想食溶記㗎，點知原來已經做唔住執左，所以真係要支持多啲呢啲好食嘅小店。趁今日放半日假有時間，特登過咗晏晝peak hours先去食，啱啱好人流開始散，可以慢慢坐下。叫左個三餸米線，牛腩、菜脯蛋同釀豆腐，四十蚊貨仔啲野食又幾多喎，完全唔係嗰啲頹廢車仔麵，佢個蛋同豆腐都係有手工既食物，唔錯唔錯。牛腩係潮式粉麵既味道！$40三個有餸都唔係頹餸，仲要係觀塘市中心真心冇得輸！加凍熱飲都係六蚊，下午茶時段仲要送野飲，喂究竟咁平有冇錢賺架，好過份！今日試完，呢間絕對已經成為左我去觀塘嘅飯堂。