城寨風味 (已搬遷) 新店位置

美食哥倫布今次去咗九龍城搵野食!有乜好野食？一齊睇下啦!上次食完私房菜，今次就嚟個半私房菜啦！因為今次衣間可以walk in又可以訂定位叫餐廳寫定菜單！小食鹵水豬仔腳細細隻好可愛～原來係暖嘅，整得都幾入味又唔會好硬，可以慢慢食，一邊食一邊等朋友就啱晒川貝海底椰燉鱷魚肉又潤又止咳！每人一盅，入面好多料好清甜好好飲！衣個天氣飲就一流原來因為佢又橙又綠嘅顏色，所以叫做彩虹豆腐！豆腐切得好薄，而且好滑！個汁酸酸甜甜好開胃！其他顏色就係青椒黃椒粒！清得嚟又好濃味屋企人鐘意食得清淡啲，食完清清地嘅豆腐，再黎多個蟲草花海參絲因為我唔太食西芹，所以淨係食啲蟲草花同海蔘絲爽爽地，幾好送飯！泡飯清淡得黎好魚甜！原來係魚米龍躉泡飯！好多菜粒同龍躉粒！真係啖啖都係料！出去食飯原來都可以好健康，啲料養身，又唔會好油，健康得黎又好食！