影片
更多
2024-04-19
1118 瀏覽
星期五晚諗住同屋企人食下放題，見openrice訂 9點入座有優惠，網上評價亦唔錯，就試下呢間。食物質素其實不錯，選擇和價錢都合理。最驚喜係升級任食榴槤。但店員服務態度就有待改善啦！今次嘅用餐時間應該係9點至11點，last order係10：30，但時間未夠10：30，已經有位店員開始洗咖啡機！！！😱由於餐廳未有獨立熱水機供應熱水，只可以從咖啡機取熱水，變相最後想食完嘢，飲杯熱水熱茶都唔得……😑然後係未有提醒顧客嘅情況下，其他店員已經開始將自助區嘅食物包起，連飲品櫃同雪條櫃都熄埋燈……🌚仲要最惡劣嘅係，你仲食緊嘢，已經有店員係你隔離枱度，翻起成張枱掃地！！！大佬呀！都唔係要咁急吓嘛？！🫣最尾離座嘅時候，有店員顧住收拾，無視我家人由座位起身，差啲就成架垃圾車撞到我家人！！！😡😡😡其實都明個個都想準時收工，但其實洗機同收拾前問聲客人仲有無需要，係咪會更好呢？而且如果你地餐廳係要準時11點清場收鋪，訂座同入座時點解唔向客人交代清楚？同埋點解仲要開放9點訂座呢？說好的2小時任飲任食呢？講真，咁嘅服務態度，就算食物質素再好，都未必會再考慮幫襯……🙅🏻🙅🏻♀️🙅🏻♂️
食物質素其實不錯，選擇和價錢都合理。最驚喜係升級任食榴槤。
但店員服務態度就有待改善啦！今次嘅用餐時間應該係9點至11點，last order係10：30，但時間未夠10：30，已經有位店員開始洗咖啡機！！！😱
由於餐廳未有獨立熱水機供應熱水，只可以從咖啡機取熱水，變相最後想食完嘢，飲杯熱水熱茶都唔得……😑
然後係未有提醒顧客嘅情況下，其他店員已經開始將自助區嘅食物包起，連飲品櫃同雪條櫃都熄埋燈……🌚
仲要最惡劣嘅係，你仲食緊嘢，已經有店員係你隔離枱度，翻起成張枱掃地！！！大佬呀！都唔係要咁急吓嘛？！🫣
最尾離座嘅時候，有店員顧住收拾，無視我家人由座位起身，差啲就成架垃圾車撞到我家人！！！😡😡😡
其實都明個個都想準時收工，但其實洗機同收拾前問聲客人仲有無需要，係咪會更好呢？而且如果你地餐廳係要準時11點清場收鋪，訂座同入座時點解唔向客人交代清楚？同埋點解仲要開放9點訂座呢？說好的2小時任飲任食呢？
講真，咁嘅服務態度，就算食物質素再好，都未必會再考慮幫襯……🙅🏻🙅🏻♀️🙅🏻♂️
張貼
