不籽是咖啡 (文豪閣)

營業中

休息中

諗住同朋友去啲靚啲嘅cafe影下相食下野傾下偈，完全冇諗過咁都要受氣🌚我冇去過其他分店嘅，但油麻地呢間真係令我好失望🤦🏿‍♀️🤦🏿‍♀️(ps:我從來都唔留好評同差評，大家都係打份工姐)但呢間分店嘅女員工，平陰戴眼鏡嘅真係令我感到失望，初頭入去嘅時候，佢幫手掃針，佢完全冇戴口罩！之後我同朋友搵左個梳化位坐，坐到嗌埋野食，個女員工都冇諗住幫我哋執嘢，佢係執左啲冇人坐嘅先🤷🏿‍♀️我真係頭都大埋，到我哋嗌嘅嘢食到左個女員工都未執，要個男員工叫佢，佢先慢慢行過黎執，不過呢啲都係少事，我同朋友食緊野嘅時候，女員工要我哋轉位讓我哋張2人枱比3位客人坐🤷🏿‍♀️🤷🏿‍♀️，當然我哋拒絕左啦。後尾我同朋友食完野就諗住將啲碟放係隔離冇人坐嘅枱，因為遲遲都冇人幫我哋收野，之後個女員工就超大聲講叫我哋唔好放係個度，可能我哋真係唔應該放係隔離枱，但你又遲遲都唔收，但又要話返我哋轉頭，呢度我真係有啲保留🙇🏻‍♀️如果大家想受氣嘅話，可以過黎試下，食物質素係唔錯嘅，員工質素就真係唔得🤦🏿‍♀️