影片
更多
2020-09-12
314 瀏覽
今日同朋友五點左右去食下午茶，附近紅茶比較好坐啲，本身有兩間紅茶不過疫情之下拆咗一間，淨係得返中式紅茶呢邊。一入到去個侍應幫我哋探熱，指示在我哋去卡位，張枱都未清潔，我以為佢會返嚟抹下枱，但係佢一走開左就無左件事，叫咗另一個姐姐抹枱，佢就好求其咁抺兩下，仲有上一手剩返嘅牙籤，見到已經覺得一般般衞生，之前另一間西式紅茶嗰邊態度同埋衛生都幾好，但係呢一邊就一般般。諗左叫魚柳漢堡配薯皇，加凍檸茶（$40+$3）個魚柳包都幾大個，同埋幾好食，中間有蛋、有芝士、有生菜，感覺好豐富。薯皇都幾多肉，只係凍左少少，如果整返熱，新鮮炸好，應該會幾好食。朋友叫左個西多士，都幾大份，味道唔錯。希望下次去，衞生同員工態度都有進步啦。
一入到去個侍應幫我哋探熱，指示在我哋去卡位，張枱都未清潔，我以為佢會返嚟抹下枱，但係佢一走開左就無左件事，叫咗另一個姐姐抹枱，佢就好求其咁抺兩下，仲有上一手剩返嘅牙籤，見到已經覺得一般般衞生，之前另一間西式紅茶嗰邊態度同埋衛生都幾好，但係呢一邊就一般般。
諗左叫魚柳漢堡配薯皇，加凍檸茶（$40+$3）
個魚柳包都幾大個，同埋幾好食，中間有蛋、有芝士、有生菜，感覺好豐富。薯皇都幾多肉，只係凍左少少，如果整返熱，新鮮炸好，應該會幾好食。
朋友叫左個西多士，都幾大份，味道唔錯。
希望下次去，衞生同員工態度都有進步啦。
張貼
