大雞食堂

營業中

休息中

呢間幫襯咗一段時間，我住康城，係由中環放工特登行好遠去買返屋企同家人食，有次仲同老細好好傾。奈何，班員工睬你都傻。因為鍾意多汁撈飯，但好多次外賣都唔夠汁(落單已講多汁)，所以之後加$1要求汁另上。今日攞外賣時發覺汁無另上，入去同師傅講，師傅態度差，話太多單漏咗做唔到，亦堅持唔肯補番。其實呢間次次都好好生意，我哋都算熟客，自己漏咗都唔肯做番俾你，仲要話多單搵藉口。一個鐘之後返到屋企，果然係完全唔夠汁，個檸茶仲離譜，完全冇少冰，淡到好似水咁(因為住得遠，冇少冰，啲冰融晒，個檸茶就溝淡晒)，真係好嬲囉！香港依家經濟環境咁差，好多食肆都做唔住，但呢間就串啦，有生意但態度差，其實你補番個汁俾我咪OK，點解咁都拒絕呢？同埋當初如果佢夠多汁，我根本唔需要汁另上再額外加$1。