品臻 (天光道)

營業中

休息中

土瓜灣天光道有好幾間小店， 平時都係主力做學生生意， 有賣魚蛋燒賣， 有埋三文治雞髀 ，有賣台式飲料， 有賣格仔餅雞蛋仔。 今次就揀咗主力台式料理的品臻， 即使去唔到台灣 夜市大食特食， 都可以 解解癮。 品臻店舖雖小， 但係入面都有兩張枱仔 ，畀人 食下野 休息陣。 而且售賣食品款式都多， 從台式飲料， 到九份芋圓， 再到雞蛋仔和章魚小丸子 也有得選擇。 九份芋圓 九份芋圓可以配搭仙草或豆腐花， 另外可以再配搭例如紅豆椰果珍珠 等等的配料， 味道方面可以配搭黑糖或蔗糖， 小店嚟講選擇都幾豐富。 叫了一碗仙草及一碗豆腐花，三色芋圓，分別是芋圓、地瓜圓及紫薯芋圓，粒粒都煙煙靭靭有咬口， 三款味道都不會淨係得糯米粉的味道。 至於黑糖珍珠 ，大細適中，而且份量都幾多。 椰果酸酸甜甜， 至於紅豆大粒， 配搭豆腐花都幾好食。 雞蛋仔即叫即做所以都要等一下，雞蛋仔烘得香噴噴又熱辣辣， 調味恰適中，唔會太甜。 而且外脆內煙韌， 蛋心份量均勻， 唔會淨係得個殼 。章魚小丸子 同雞蛋仔一樣都係即叫即做 ，章魚小丸子size一口一粒，剛剛好。 呈圓球狀， 外面脆卜卜內裏軟心 ， 由於size唔大