天竜 (已結業)

荃灣路德圍一帶有幾多小店性價比唔錯、價錢較為親民，喺昌泰街內搵到間日式居酒屋，門口餐牌有串燒食價錢唔貴就入去試下餐廳佈局有啲日本古早風格，牆上啲日本海報充滿懷舊氣息○ 山梨橙白桃酒●首先點杯冰凍果酒消暑，外面天氣真係好熱。微甜桃子水果酒，回溫後酒精感提升○「一品」日本沖繩海葡萄●咁悶熱天氣食涼拌小菜最合口胃。每次在餐廳見到有呢個都一定點，海葡萄口感輕輕卜脆脆、咀嚼時有少少汁液在口腔內爆發，點附上的日式醋汁味道更覺sharp醒○燒三文魚頭●當晚見menu有特價即時加單點嘅、好彩無走雞！平時喺第二度食嘅都係諗住過過口癮算下魚骨送下酒，點知一上桌原來個魚頭咁大又多肉，唔怪得店主話要等最少15分鐘，啲魚頭肉咁厚皮幾脆帶點焦香，魚肉厚疊疊卻燒得透唔會半生不熟，三文魚肉唔柴幾嫩滑，$45抵食！淨食個燒三文魚頭已飽咗一半○燒新鮮白鱔串●新鮮與否本人無從稽考，但見佢個魚皮烤到脆卜卜，鱔肉色帶點金黃，老實講都幾香幾惹味 ○日本華味鳥雞頸肉串燒●雞頸肉燒得幾香脆惹味、下酒菜無誤○阿波(德島)酢橘雞肝串●難得無燒過龍保持到肉汁，有內臟的質感帶啲油份○豬舌串燒●牛舌平時點得多、今次轉下口味嗌燒豬脷。覺得呢度嘅