影片
更多
2011-04-02
10 瀏覽
香港真係個好有趣嘅城市，尤其講到日本地道小食，好多瘋狂嘅東瀛粉絲喜歡四出尋食，消息一傳十，十傳百，好快變成城中熱話。好似近期響老蘭嘅橫街窄巷開業嘅人氣拉麵小店豚王就迅速成為咗飲食界神話，連少年食神都封佢為全港最佳拉麵店。豚王面積細，舖面、廚房加埋不過百幾呎，位亦不足十數個，佢哋每日只賣二百碗拉麵，賣完即止，但今日吸引不少食客排住長龍，日曬雨淋嚟等食一碗拉麵。今日揍巧下晝得閒，決定嚟排一排長龍，感受一下氣氛。誰不知一等就等咗大大話話一個鐘 (其實係友人等，食神跚跚來遲，只係企咗唔夠一分鐘)，坐低前偷步點咗個招牌「豚王」拉麵。 湯底 (Grade: 3.5/5)湯底係每一碗拉麵嘅靈魂，所以廚師每日用大量豬頭骨、豬桶骨同大豆油等等餚製，用料十足，湯底自然濃郁，食神亦食得出同其他拉麵店有所不同。 麵條 (Grade: 2/5)選用嘅麵條較為幼細，有D似我哋中國人嘅陽春麵，聽聞係廚師覺得呢個粗幼度會比較易平均吸收湯嘅精華同味道。其實麵呢樣嘢真係好睇個人喜好，食神會較喜歡粗身些少嘅，吸取湯底精華之餘，又不乏本身嘅蛋香。 豚肉/义燒 (Grade: 3/5)义燒較一般麵店嘅軟滑，肥瘦都算均勻，不過就
豚王面積細，舖面、廚房加埋不過百幾呎，位亦不足十數個，佢哋每日只賣二百碗拉麵，賣完即止，但今日吸引不少食客排住長龍，日曬雨淋嚟等食一碗拉麵。
今日揍巧下晝得閒，決定嚟排一排長龍，感受一下氣氛。誰不知一等就等咗大大話話一個鐘 (其實係友人等，食神跚跚來遲，只係企咗唔夠一分鐘)，坐低前偷步點咗個招牌「豚王」拉麵。
湯底 (Grade: 3.5/5)
湯底係每一碗拉麵嘅靈魂，所以廚師每日用大量豬頭骨、豬桶骨同大豆油等等餚製，用料十足，湯底自然濃郁，食神亦食得出同其他拉麵店有所不同。
麵條 (Grade: 2/5)
選用嘅麵條較為幼細，有D似我哋中國人嘅陽春麵，聽聞係廚師覺得呢個粗幼度會比較易平均吸收湯嘅精華同味道。
其實麵呢樣嘢真係好睇個人喜好，食神會較喜歡粗身些少嘅，吸取湯底精華之餘，又不乏本身嘅蛋香。
豚肉/义燒 (Grade: 3/5)
义燒較一般麵店嘅軟滑，肥瘦都算均勻，不過就唔夠肉香。
總括而言
之前可能睇過太多有關豚王嘅報導，期望不知不覺set得好高，點知親自嚟度品嚐之後，發覺只有湯底有些少驚喜，但麵條係敗筆。
總括我只可以咁形容，咪又係一碗日本拉麵。
張貼
