影片
更多
2025-04-09
153 瀏覽
今日放工同朋友去咗公司附近嘅Brewed，呢間唔單止係一間普通咖啡店咁簡單，夜晚仲會變身成一個好chill嘅happy hour好去處，因為夜晚原來有HAPPY HOUR，有我最鍾意既白酒Sauvignon Blanc！餐廳裝修走工業風混合木系元素，燈光柔和得嚟又帶點型格，日頭係文青cafe，夜晚就變成可以飲酒傾偈嘅好地方，氣氛轉換得好自然。我哋叫咗幾樣嘢食，首先係慢煮牛臉肉長通粉！牛臉肉經過慢煮，肉質超級淋。個醬汁用牛臉肉同蔬菜慢煮而成，濃郁得嚟又唔會太膩，完美掛喺長通粉上面。評分：👍🏻👍🏻👍🏻👍🏻/5跟住係意大利辣肉貓耳朵，呢個真係好有驚喜！貓耳朵煮得啱啱好，煙煙韌韌好有咬口。個辣肉醬汁調得好好，帶少少微辣，唔會太刺激，但係又好夠味，仲有啲香草嘅香氣，食落好開胃。最正係佢個醬汁同貓耳朵嘅比例啱啱好，唔會太乾或者太濕，真心推介！評分：👍🏻👍🏻👍🏻👍🏻👍🏻/5我哋仲叫咗個辣雞扒多士，個配搭好特別！酸種包烘得外脆內軟，雞扒煎得香脆，最正係佢個特製醬汁，唔係普通牛油果醬咁簡單，帶少少辣又帶少少酸，同雞扒好夾，食落好醒胃。評分：👍🏻👍🏻👍🏻👍🏻/5甜品當然要試佢哋嘅Tiramisu啦！咖啡同
我哋叫咗幾樣嘢食，首先係慢煮牛臉肉長通粉！牛臉肉經過慢煮，肉質超級淋。個醬汁用牛臉肉同蔬菜慢煮而成，濃郁得嚟又唔會太膩，完美掛喺長通粉上面。
評分：👍🏻👍🏻👍🏻👍🏻/5
跟住係意大利辣肉貓耳朵，呢個真係好有驚喜！貓耳朵煮得啱啱好，煙煙韌韌好有咬口。個辣肉醬汁調得好好，帶少少微辣，唔會太刺激，但係又好夠味，仲有啲香草嘅香氣，食落好開胃。最正係佢個醬汁同貓耳朵嘅比例啱啱好，唔會太乾或者太濕，真心推介！
評分：👍🏻👍🏻👍🏻👍🏻👍🏻/5
我哋仲叫咗個辣雞扒多士，個配搭好特別！酸種包烘得外脆內軟，雞扒煎得香脆，最正係佢個特製醬汁，唔係普通牛油果醬咁簡單，帶少少辣又帶少少酸，同雞扒好夾，食落好醒胃。
評分：👍🏻👍🏻👍🏻👍🏻/5
甜品當然要試佢哋嘅Tiramisu啦！咖啡同酒嘅比例啱啱好，食到明顯嘅酒香，但唔會太濃。面頭嘅mascarpone芝士打得輕盈，甜度適中。
評分：👍🏻👍🏻👍🏻👍🏻/5
我見佢嘅酒單選擇都幾豐富，由輕盈到濃郁嘅款式都有，下次想試吓佢哋嘅紅酒。
整體嚟講，Brewed真係幾好，日頭可以享受咖啡，夜晚就變身成一個可以放鬆飲酒嘅好地方。食物質素高，環境舒服，服務又友善，絕對係上環區一個隱世好去處。
整體味道指數：😋😋😋😋/5
性價比：💰💰💰💰/5
環境：❤️❤️❤️❤️/5
服務：✅✅✅✅/5
張貼
