影片
更多
2022-04-22
23 瀏覽
估佢唔到烏冬都可以令我感覺有不一樣的感覺 本身呢間店之前係一間我好鍾意食嘅餐廳，不過唔知係咪疫情底下做唔住，但估唔到烏冬黎講佢都唔差。店員仲會好耐心去講解佢哋嘅分別俾我地聽👍首先點解我覺得佢特別，因為佢個湯底係自家烹調，用嘅材料都係天然嘅材料，好明顯地食得出同平時嘅湯底係好唔一樣。一間細店，做到三種唔同嘅湯底，每一煲嘅湯底都要烹調半日確保入味，絕對睇得出佢嘅用心❤️三種湯底主要分別有清甜去到濃味，我認為睇你比較鍾意食啲淡口味定濃味去挑選湯底會比較適合多過簡要海老，魷魚/貝燒會更好🙈干貝湯比較清甜。魷魚湯比較甜得來帶更加出嘅昆布味。醬油蝦湯用咗清酒同埋佢配製嘅醬油蝦，仲放埋蝦頭，夠晒濃。我哋選擇左最淡同最濃，去食出佢哋最大嘅分別。而海鮮嘅份量就揀咗中間。腐皮燒帆立貝 湯底夠鮮甜，飲完唔會覺得好頸渴，而且同帆立貝都好夾，個腐皮浸左落個湯顯得個腐皮更加甜👍👍👍腐皮醬油燒海老好搞笑，個腐皮好似幫啲蝦冚被咁樣。湯底雖然濃味，但依然係唔會覺得好頸渴同好鹹。當日係明太子沙律同埋中華沙律，兩樣都好啱我食🤤每個烏冬入面都配有腐皮，而且個烏冬軟硬度適中，烏冬份量都唔少。另外仲有兩款前菜小食，我哋仲試咗佢地既
本身呢間店之前係一間我好鍾意食嘅餐廳，不過唔知係咪疫情底下做唔住，但估唔到烏冬黎講佢都唔差。
店員仲會好耐心去講解佢哋嘅分別俾我地聽👍
首先點解我覺得佢特別，因為佢個湯底係自家烹調，用嘅材料都係天然嘅材料，好明顯地食得出同平時嘅湯底係好唔一樣。
一間細店，做到三種唔同嘅湯底，每一煲嘅湯底都要烹調半日確保入味，絕對睇得出佢嘅用心❤️
三種湯底主要分別有清甜去到濃味，我認為睇你比較鍾意食啲淡口味定濃味去挑選湯底會比較適合多過簡要海老，魷魚/貝燒會更好🙈
干貝湯比較清甜。
魷魚湯比較甜得來帶更加出嘅昆布味。
醬油蝦湯用咗清酒同埋佢配製嘅醬油蝦，仲放埋蝦頭，夠晒濃。
我哋選擇左最淡同最濃，去食出佢哋最大嘅分別。而海鮮嘅份量就揀咗中間。
腐皮燒帆立貝
湯底夠鮮甜，飲完唔會覺得好頸渴，而且同帆立貝都好夾，個腐皮浸左落個湯顯得個腐皮更加甜👍👍👍
腐皮醬油燒海老
好搞笑，個腐皮好似幫啲蝦冚被咁樣。湯底雖然濃味，但依然係唔會覺得好頸渴同好鹹。
當日係明太子沙律同埋中華沙律，兩樣都好啱我食🤤
每個烏冬入面都配有腐皮，而且個烏冬軟硬度適中，烏冬份量都唔少。另外仲有兩款前菜小食，
我哋仲試咗佢地既cold blew,但店員解釋當天因為佢本身自家細嘅樽供應商返唔切，所以就用咗普通杯裝，事後我睇返佢本身個樽真係幾靚，有啲可惜🥲
店員教我地先飲一啖咖啡，再飲一啖湯，最後飲多啖咖啡，新潮嘅配搭🤭
聽店員咁講跟住做之後發現感覺幾特別，呢個過程做完之後個咖啡個味會變得中和左，好似飲緊不一樣嘅咖啡。聽聞佢哋仲有另一間分店係專飲咖啡，難怪諗到一啖咖啡一啖湯唔同既感覺體驗👍👍👍👍
店舖雖然好細，而且食物種類唔多，但係佢keep住都有客人，證明除咗我之外都好多客人欣賞，再加上店舖雖然唔係光猛，但係好有特色同風格，我幾欣賞佢個環境👍
我仲聽到佢地喺度講想點樣整靚間鋪
又喺度傾緊個湯底調味，又見佢又問客人意見，真係睇得出佢哋開呢間鋪嘅熱誠💓💓
張貼
