頂立 (裝修中)

屯門特色烏冬店x精品咖啡 - 頂立烏冬咖啡店難得星期一放假可以訓晏啲，探索下屋企附近有咩好食，碌IG見到有人介紹呢間烏冬咖啡店，有自家製既烏冬同精品咖啡，咁特別一於要試下啦✨天．頂立: 秘製當歸雞白魚介湯 ($95)湯底有三個口味: 有秘製當歸雞白魚介湯、醬油豚背脂魚介湯同蝦頭龍蝦魚介湯，我就揀左帶少少藥材味既當歸雞白魚介湯同海鮮味濃既蝦頭龍蝦魚介湯，前者以當歸調味，第一次見到有小店用當歸等中藥食材為烏冬調味，又幾特別，配上手工烏冬、海帶、油揚、慢煮豚肩肉叉燒、慢煮豚腩肉叉燒，口感層次非常豐富✨海．頂立: 蝦頭龍蝦魚介湯 ($95)另一款就揀左蝦頭龍蝦魚介湯，海鮮控必試，湯底由大量龍蝦殼同蝦頭熬製而成，食烏冬前記得飲個頭啖湯先，手工烏冬口感彈牙，配埋鮮味既海鮮湯超正，叉燒用上豚肩肉同豚腩肉製成，肥瘦適中，高質✨冷萃茶 & 冷萃咖啡飲品方面我就揀左佢地餐廳既人氣冷萃茶同冷萃咖啡，前者用既係武夷山正山小種紅茶做茶底)，飲落散發出淡淡既果香，口感清新; 冷萃咖啡用上較為nutty既咖啡豆，帶有淡淡既堅果香，估唔到同烏冬又幾夾✨甜品: 布甸 & 朱古力巴斯克蛋糕布甸好滑身，奶味香濃，朱古力巴斯