頂立 (裝修中)

以烏冬為主打嘅餐廳喺屯門比較少見，而烏冬都係主要分為海老同魷魚，咁專門嘅小店對其出品必然好有研究，今次就試一試外賣～腐皮燒魷魚🍜依度標榜係自家烹煮嘅鰹魚昆布湯，燒魷魚依款就加埋一夜干魷魚同生薑，飲落相當鮮甜，隱若飲到清酒嘅甜味🍶基本配料有竹輪、粟米同木耳絲，魷魚係用魷魚鬚，大大塊嘅腐皮吸滿湯汁，再加埋腐皮本身嘅甜味，好好食～外賣係分湯嘅，所以烏冬保持到彈牙有韌性，唔會浸腍👍腐皮醬油燒海老🍜同樣係醬油、清酒、鰹魚昆布熬煮嘅湯底，不過依款就加上蝦頭同清酒烹調而成嘅蝦汁，味道比魷魚嗰款更加鮮味濃郁，蝦頭蝦殼嘅海鮮精華充分滲進湯底度！！基本配料都一樣，海老有三隻，重點係海老經過炙燒更有風味～依度另一個賣點係將飲品配搭烏冬凸顯鮮味☕️cold brew同lemonade都係自家製入罐嘅，包裝具個性，cold brew係nutty flavor，配埋烏冬一齊係幾新鮮嘅體驗！