影片
更多
2021-08-10
2045 瀏覽
觀塘工廈區出名多野食，自己又唔係好熟路，每次都會問觀塘返工嘅朋友邊間餐廳好食又舒服，就推薦了我去The Hunt Coffee & Roastery，話依間啲嘢好食又坐得舒服呢~一試之下果然無介紹錯，所有野都好高質，就等我分享下今日嘅用餐體驗比大家啦。一入到餐廳會見感到一啲都唔侷促，因為佢樓底夠高有足夠嘅空間感(工廈樓底果然唔同啲呀)，牆身有啲塗鴉，摩登得嚟有少許玩味，重有幾張英式sofa，比人感覺到舒服得嚟又帶點優雅，整對佢哋嘅裝修擺設覺得係幾舒服嘅。好喇～到我到落order喇，我哋就叫咗下面嘅嘢食同嘢飲。Sparkle Coffee Ball（$58) - 係espresso加西柚蘇打，再加一粒冰波，分開獨立俾你自己溝嘅，事乎自己嘅口味作調配，不得不題佢嘅espresso味道唔係偏酸，係帶澀嘅，與西柚蘇打撞埋先會發生化學作用，先會好飲，其實坊間都有有唔少cafe係做依款飲品，但大多espresso係帶酸嘅，兩者雙沖，杯野就會變得各自各搶味，味道變得獨立，溝埋一齊完全無意思而變得唔好飲，而依杯係值得一讚嘅。Caffe Latte ($48) - 拉花好靚，雖然係latte，但佢嘅咖
一試之下果然無介紹錯，所有野都好高質，就等我分享下今日嘅用餐體驗比大家啦。
一入到餐廳會見感到一啲都唔侷促，因為佢樓底夠高有足夠嘅空間感(工廈樓底果然唔同啲呀)，牆身有啲塗鴉，摩登得嚟有少許玩味，重有幾張英式sofa，比人感覺到舒服得嚟又帶點優雅，整對佢哋嘅裝修擺設覺得係幾舒服嘅。
好喇～到我到落order喇，我哋就叫咗下面嘅嘢食同嘢飲。
Sparkle Coffee Ball
$58
6 瀏覽
0 讚好
0 留言
Caffe Latte
$48
18 瀏覽
0 讚好
0 留言
Caffe Latte ($48) - 拉花好靚，雖然係latte，但佢嘅咖啡味好香，奶身都夠滑嘅，咖啡味都特出，平衡幾好，有水準嘅。
US Prime Rib Eye
$198
27 瀏覽
0 讚好
0 留言
US Prime Rib Eye
$198
29 瀏覽
0 讚好
0 留言
US Prime Rib Eye ($198) - 木碟上枱，感覺幾RAW幾襯佢哋嘅裝修， Prime 都係果啲味咖啦，medium 對我嚟講就熟得制，脆邊嘅，食味正常夠大件，蒜頭得焗得剛好，好食，個汁就燒汁嚟，絶對幫到塊扒提到味，但如果係碟邊加啲海鹽會更好。薯條係粗薯嚟，食落唔粉口，正正常常。依個價合理整體係有水準嘅。
Grilled Sea Bass
$178
25 瀏覽
0 讚好
0 留言
Grilled Sea Bass ($178) - 依個係專登叫嘅因為真係好想食好好啲西式煎魚，西餐煮魚嘅食法，好難好食得過中國人特別係廣東人煮魚嘅食法，印象中只有係布拉格，同埋係琉森食過好食令我印象難忘啲西式煎魚，今日依個overcooked ，食唔到魚肉應有嘅嫩滑，好實，個皮煎得蕉香，我估應該係加咗蛋白係面去煎，食味都係一般唔夠汁，但唔係叫乾身，係有汁只不過係唔夠，盧魚食味唔係好出，整體唔係一般。
Sea Urchin & Foie gras Linguine
$188
23 瀏覽
1 讚好
0 留言
Sea Urchin & Foie gras Linguine ($188) - 意大利面煮得有少少overcooked，係少少，但絶對合格以上，都煙靭嘅有咬口，略微過熟嘅，鵝肝煎得外層蕉脆內層半熟，煎得好好，海膽就加大拿貨，夠大都叫甜嘅，撈埋一齊食好食嘅。
Hunt Signature Tiramisu
$68
20 瀏覽
0 讚好
0 留言
Hunt Signature Tiramisu ($68) - 賣相好吸引!! 忌簾打得順滑，手指餅店家自家製浸過Espresso &白蘭地，食落有明顯酒及espresso香，但要提一提一定係一定要搣碎個風乾橙乾加埋係面一齊食，唔單止提味，更令到Tiramisu 有果味變化豐富好多，唔止咖啡，cream同酒味，重有果味，必食呢。
題外話/補充資料：
其中有一個店員係有心講解佢公司啲咖啡，同分種咖啡啲分別，重講解佢公司咖啡嘅比例分別比我哋知添，Tiramisu 一上嘅時重好有心咁提一提我哋要將個風乾橙搣碎加上面食會更好食呢，抵讚。
(以上食評乃用戶個人意見 , 並不代表OpenRice之觀點。)
張貼
