大食代 (新港中心)

營業中

休息中

聽女朋友話o係第二度食過「咖哩物語」覺得ok，o係呢度又見到有一間，就試下。我地叫左咖喱豬扒焗飯套餐同埋咖哩炸蝦飯。好一間日式咖哩專門店，但係d咖哩汁真係好麻麻地、好滯。d炸蝦都只係一般je。塊炸豬扒先至最攞命，初頭食只係覺得一般je、好油、色澤暗淡、外皮唔脆，都未至於難食，但係食食下先發覺塊扒仲生生地ge! 大佬，豬肉煮唔熟畀人食好易搞到人病架! 好明顯係因為有太多客所以急急腳未熟透就攞出黎賣啦! 我攞去同佢講，希望佢幫我整番熟d，但係佢好明顯又係因為忙而只係畀過一碟新既我，已經心知不妙。番埋位用筷子篤開塊新既豬扒睇下，又係一樣生生地既，搞到我成塊都冇食，剩係食d飯。講左咁多唔好野，講番d值得讚既地方。個套餐跟左個salad，入面有一個紫色既球，好似係芋蓉，味道幾特別，幾好食!不過我下次食日式咖哩都唔會再幫襯呢間喇。好懷念新港地庫以前係city super既food court，果時d日式咖哩真係好好食。