正宗印度餐廳及酒吧 (電氣道)

營業中

休息中

同fd子約食飯，點知又唔記得book位，誤打誤撞睇門面入左間印度餐廳，真心食裝修都唔錯。有人話怕辣，心諗怕辣就唔食得咖哩啦，點知老闆太清楚香港人又要威又要戴頭盔既性格，甜咖哩都準備埋，原來印度人都唔係成日食辣野... 呢個甜豆咖哩豆香軟熟，白腰果甜咖哩雞香到隔離枱都伸長條頸黎望，兩款甜咖哩都出奇地好餸飯~ fd子心都定晒。飯仲要係好有特色既印度瘦仔米，d米又長又幼，可以痴到好多咖哩汁正呀~~爽皮死見隔離枱有碟好型既烤雞，叫左黎食，又真係正，多汁肉嫩，一d都唔會乾身，好似焗出黎咁。必食~! 手痕叫左個墨綠色既燴菠菜蓉，上菜時以為又係咖哩，用左d芝士整又幾好撈飯，結果都係當咖哩咁食~~土以其有雪糕，原來印度都有自己特式既雪糕，奶味仲重過3.6牛乳，半流體狀態，有d似雪凍既慕絲。最後係餐牌上見到一盤好似湯圓既野，食到呢一刻，有印度湯圓又有咩出奇，叫左黎試，建議大家食得極甜既野先好試，感覺加多d疆汁會好食d 。